الليل ياشعار المنتدى

ياكثر من فالمنتدى شعار = ابا واحد ياخذ ويعطيها
الليل ياشعار شبو نار = والفاهم من حلل معانيها

ياكثر من فالمنتدى شعار = ابا واحد ياخذ ويعطيها
الليل ياشعار شبو نار = والفاهم من حلل معانيها


المجال مفتوح للجميع ولا اخص احد معين سواء اعضاء ولا مشرفين

ومرحبا ومسهلا

عطنا علومك كان معك اخبار

من جابها يقدر يوديها


السوق مليانن من التجار

وبضاعتك ماشفت خافيها

امهاجرن ولا مع الانصار = ماالد عيوني في مقفيها
يمكن بصرك اقوى من الابصار=ولا البصيره ربي معميها

صح لسانك ياشبل

وصح لسان طاروق

متابع لكم

صح بدنك يا صقر

شرفني مرورك

المسلم اللي يطلب الغفار = يوف الصلاة اللي يصليها
ان كان كشافك بدون حجار = ريّح و لا تسري غداريها

العالم الله تكبر القصار = ماندري الدينه توفيها
ياشاطرن من جملة الشطار = خمخمتها لكن مخطيها

لا واحليلك ياحمام الدار = روس العوالي ماتعديها

لا كبرت الحبة على المنقار = ازرت مناقرها تعشيها

بيني وبينك محكمين الشار = وتصومع الارنب باذانيها
ياساتر استر ستر ياستار = الورع وين اهوه مفليها

اعط الاشارة واقضب الدوار = ددسنك لا تكثر بواريها
دلتك تشربها بدون بهار = كن الضرم في راس راعيها

ياللي تسولف ماانت راعي كار = علتك ماادري كيف اداويها
ارقا على ضلعن بدون احجار = لكن شوكه ناشبن فيها

ليتك تركب للجيوب ازرار = حتى تحفظ فلوسها فيها

اثر البلا بك من جبل سنجار = وطيرتك في راسه تعشيها


طاروق حلو ومرتب وجميل
وجماله من مشاركاتك الرائعة ياشبل
و استمتعت جدا باللعب معك واستفدت ايضا من شاعر كبير مثلك والسلام والى اللقاء