فواز العزيزي يطلب من مستور العصيمي إعتزال المحاوره

قبل عامين تقابل مستور العصيمي مع فواز العزيزي في عفيف وكان بينهم هذا الطاروق الرائع

فواز يطلب من مستور العصيمي الأعتزال وأن لا يهدم ما بناه من تاريخ ومستور يرد ان ما يحفظ للشعر مكانته الا أمثالي وأن التجارب علمتني ويستمر النقاش الرائع قبل أن يختم فواز العزيزي الطاروق بأسلوب رائع وفيه أحترام لمستور العصيمي أن علموه يا عتيبه لا يزعل من كلامي فأنا اعرفه واعرف مكانته .



فواز العزيزي

يا سلام الله سلام الله سلام(ن) مصدره من نار حيه = والرجال اهل الوفاء دائم رفيعه منزلتها
صار مستور العصيمي بين شمس وبين فيه = والقدم مادورت غير الدروب اللي مشتها



مستور العصيمي
مرحبا ترحيبت(ن) مصدارها قوه قويه = والسوالف واجده والناس نسمع سالفتها
كل راعي فكر يدري بالصواب وبالخطيه= مار مار مال القوم لاتسري على عوج رقبتها



فواز العزيزي


السوالف يالعصيمي كلبوها واقعيه= مار رد ايداك عن هدم البيوت اللي بنتها
أنت يا مستور ما تبغى من أصحابك وصيه = والحقايق ما تبين في سنه ما هي سنتها


مستور العصيمي
السوالف يا المطيري كلبوها في يديه =والسماء من فوق رأسك وانت عايش من تحتها
الرعيه ما حفظها غير رعيان الرعيه =والعرب في خير وافي والتجارب علمتها




فواز العزيزي


أدري انك يالعصيمي من رياجيل الحميه =مار دنيانا شواريها تبين خاتمتها
لاتجود فالحبال الي ورى كور المطيه =أنت عندك معرفه والناس تعرف معرفتها



مستور العصيمي
بعد المشوار والذمه من الذمه بريه = والدروب الواسعه ماني مضيق في سعتها
أنت يا فواز ناشب من قضيه في قضيه= والسنين الماضيات اللي يحسن عاقبيتها



فواز العزيزي


يا عتيبه علموا مستور لا يزعل عليه = السفينه عن مواقعها تعلم بوصلتها

كلام كلام ..

ولازال الكثير قدام ابو تركي الله يطول عمره ..

صحت السنتهم .. يعجز اللسان عن وصفهم ..

مشكور يابوفايح ولاتحرمنا الجديد المفيد ..

في انتظارك ..!!

تسلم يابوفايح طاروق جزل وهادي

لكن مستور العصيمي لازم يفكر فالاعتزال مستواه في حدور والمحاورات الان ماتصلح للي بعمر مستور

كلها مهاترات او اغلبها والواجب ينتبه للاخره مابقا من العمر كثر مامضي

وهو متولع فالمحاوره

قد اسئله شليويح ورا ماتسوي اسواتي وتعتزل اثرك اتحب القروش يامستور قال مستور والله يابومطلق

في كل بنك لي احساب مار الدعوه ولع

ودك الانسان لاوصل خمسين ولا فوقها شوي يعتزل

بس المشكله منيف المنقره بدا فالمحاوره و عمر ه خمسين والظاهر اعتزاله لادش القبر

سبق وان سمعت المحاورة صوتيه وكان معهم الجلاوي وسعيد بن رحمه

وكانت محاورات قمه ولعب كايف .. إيضاً كان مستور كعادته معلم يشرح ويوجه

الطلاب للنهج الصحيح .. لله دررررره

الناس ترى ان مستور قل عطاءه وهذا غلط واكبر غلط !!

ولكن العله الحقيقه والتي لم يتطرق لها احد هي ان شعراء جيله العمالقه لم يبقى

منهم سوى رشيد وبذلك قل عطاء ((( المحاورة ))) !!

انا اشوف فواز شاعر قادم بقوة بغض المعنى المكشوف اللي لعب عليه في هذه المحاورة ولكن تركيبته للبيوت افضل من بعض الشعار اللي طايرينبهم الناس في العجة


ومستور مايحتاج معلم الاجيال

ابو تــركي مبدع
ولا زال يواصل الابــداع

بالتوفيق للشاعر الكبير مستور العصــيمـــي

.

..

ابو تركي

ذهب لايصدأ

ومن يقول ان مستواه في حدور

اقول له صدقت لكن اذا عرف السبب بطل العجب

ينحدر مستواه عندما يقابل له شاعر من جيل النيدو يتحدث عن الخيل والجيش وهو يجهل معناها

وينحدر مستواه اذا قابل شاعر همه الوحيد اللعب على القافيه

وينحدر مستواه عندما يجد جمهور صغار سن لايهمهم الا اللعب على الحان نانسي عجرم وشاكلتها

وينحدر مستواه اذا وجد جمهور لايعرف من المعاني الا المكشوف كالتاريخ القبلي

ولكن انظر لمستور العصيمي عندما يقابل ملفي او حبيب او رشيد او بن عياد او ابو مشعاب او السناني

تجد شعر يسلب الالباب ويفتح للمعاني مئات الابواب تجعل المستمع يحللها مئة تحليل


.

..

ابو فايح



ماتفوتك المحاورات الحساسه




متابع لك دائماا

الرعيه مـا حفظهـا غيـر رعيـان الرعيـه
والعرب في خيـر وافـي والتجـارب علمتهـا


لله درك يابو تركي , وهذا رده للي يقولون اعتزل يامستور, اذا راح الشيخ وش يصير فالرعية؟؟

اكيد لو يعتزل مستور بتخرب المحاورة كل ابوها

يكفي لو نشاهد له حفلة وحدة كايفة في السنة عن غثاء المحاورات اللي نشوفها كل يوم من شعار الجيل التالي

واللي يقول ابو تركي انخفض مستواه , نقول له الذهب مايبور لكن وشلون تبون مستور يصرف الذهب والسوق كله نحاس؟؟ اكيد لالقى صراف ذهب بيصرف ذهب, واللي مايصدق يشوف محاورات ابو تركي مع حبيب وملفي والهاجري وبن عياد

لاهنت يابو فايح

الرعيه مـا حفظهـا غيـر رعيـان الرعيـه
والعرب في خيـر وافـي والتجـارب علمتهـا

الله الله
كبير يبو تركي

عسى عمره طويل

كل مايكبر كل مايبدع

الفحل فحل لين يموت

.

..

ابو تركي

ذهب لايصدأ

ومن يقول ان مستواه في حدور

اقول له صدقت لكن اذا عرف السبب بطل العجب

ينحدر مستواه عندما يقابل له شاعر من جيل النيدو يتحدث عن الخيل والجيش وهو يجهل معناها

وينحدر مستواه اذا قابل شاعر همه الوحيد اللعب على القافيه

وينحدر مستواه عندما يجد جمهور صغار سن لايهمهم الا اللعب على الحان نانسي عجرم وشاكلتها

وينحدر مستواه اذا وجد جمهور لايعرف من المعاني الا المكشوف كالتاريخ القبلي

ولكن انظر لمستور العصيمي عندما يقابل ملفي او حبيب او رشيد او بن عياد او ابو مشعاب او السناني

تجد شعر يسلب الالباب ويفتح للمعاني مئات الابواب تجعل المستمع يحللها مئة تحليل


.

..

ههههههههههه

ماتخليها علي فالها ياسرحان لازم فيها لحمة ضب نانسي عجرم

بس العمر له حق شف احمد الناصر خلاها من سنين شف شليويح خلاها من سنين

والانسان مهما وصل فالعطاء لابد يبدا العد التنازلي له حتي المكينه تفتر

والشعراء الان غير محترمين حتي كبير السن مايحترمونه ماتشوف رشيد الزلامي يعطيهم القاز

عشان مايجسرون ولا عليه منهم لكن مستور ماهو شاعر هجوم والوراعين هاذي مايسنعها غير الزلامي

والوقت ماهو وقت شعر هذا اللي خلاني اقول يعتزل افضله وافضل لتاريخه

.

..

:)

اغدوا على نياتكم ترزقون

يابن الحلال ماحطيت فيها لا لحمة ضب ولا جربوع مجرد كلمة عابره انت ركزت عليها :)

وانا معك في اعتزال مستور لكن اعتزال (محدود)

يعني يعتزل عن الشعراء ضعيفي المستوى وقليلي الخبره

وينحصر لعبه في خريجي عام 1415هـ وماقبل

لان الشعراء اللي بعد هذا العام صراحه ماقدموا للشعر شيء وكانت اساءاتهم للشعر

اكثر من ايجابياتهم ويجب على جميع شعراء المعنى اعتزالهم وليس مستور لوحده

ومن اساءاتهم على سبيل المثال (الحان الفنانات-التمايل امام المقرفون-استفزاز الصف

المقابل-الهوشه على المقرفون وكأنهم في حلبة مصارعه-التسلق على اكتاف العنصريه القبليه)

.

..

انا اشوف فواز شاعر قادم بقوة بغض المعنى المكشوف اللي لعب عليه في هذه المحاورة ولكن تركيبته للبيوت افضل من بعض الشعار اللي طايرينبهم الناس في العجة


ومستور مايحتاج معلم الاجيال

الجوارسي

الحين فواز لاعب هالمحاورة ومعناها مكشوووووف

غريييب :(

اجل وش تبيه يقول الله يحيك

هههههههههههههه

يا عنك انه شاعر يطربني وحضوره مقنن وقوي

وأتمنّى من ابو تركي التفكير بالاعتزال الجاد في اسرع وقت

لك تقديري ابو فايح

تسلم يمناك

وصح لسان مستور وفواز بين شاعر عملاق وشاعر متمكن

الله يطول عمر ابوتركي

أحم أحم

تسلم أناملك يا أبو فايح ..

سلمت يمناك يا ابو فايح محاوره رائعه


و الشاعر الكبير / مستور العصيمي قادر على العطاء

أدري انك يالعصيمي من رياجيل الحميه
مار دنيانـا شواريهـا تبيـن خاتمتهـا

ايو الله



لاهنت

مشكور على النقل مستور حاكم الشعر