أقرب جاي يالجلمود "
فهد الحصيني06-Apr-2010, 07:15 PM
الطيب والجود عمله طيبه مابين الأجواد= واللي تعامل بها يكتب له أجـــر ويغتنمها
والشر والخــير ضدينٍ وتشمل جملة أضداد=والخير قسم الرجال اللي ينومسها قسمها
الجلمود06-Apr-2010, 07:34 PM
رجلي لكل الصفات الطيبه في الدرب تنقاد=ولي الشرف يوم ادرج ساقها واحفي قدمها
والضيف يقلط ولاينشد معازيبه عن الزاد=لو ان عينه على اللي في الصحن ينطف دسمها
ماجد العصيمي06-Apr-2010, 07:40 PM
رجلي لكل الصفات الطيبه فـي الـدرب تنقـاد
ولي الشرف يوم ادرج ساقها واحفـي قدمهـا
والضيف يقلط ولاينشد معازيبـه عـن الـزاد
لو ان عينه على اللي في الصحن ينطف دسمها
منتدى الهيلا يفتخر بوجودك ياجلمود صح لسانك وازهل الصف
صح لسانك يالنفيعي ولاهنت
سـعـد الـعـصـيـمـي06-Apr-2010, 07:41 PM
رجلي لكل الصفات الطيبه فـي الـدرب تنقـاد
ولي الشرف يوم ادرج ساقها واحفـي قدمهـا
والضيف يقلط ولاينشد معازيبـه عـن الـزاد
لو ان عينه على اللي في الصحن ينطف دسمها
الله الله
لله دركم واصلو وحنا معكم
الجلمود06-Apr-2010, 07:56 PM
وانا لي الشرف بشهادتك ياشبل مرجحين الموازين
ولي الشرف كذلك بمتابتك ياسعد العصيمي
تقدير لكم
فهد الحصيني06-Apr-2010, 07:57 PM
هـداج تيما يعـدونه ودايم كـان ينراد=عد الروى يروي العطشان في سالف قدمها
والظيف في دبرت معزبه لوظيفته براد=مايقدر ايقول هات أم الشحم واكل شحمها
الجلمود06-Apr-2010, 08:15 PM
من لا معه حبل ماله فوق جال العد ميراد=الا ليا صدرت عن حاضها البدو بغنمها
لاكثر لله خير اللي نقص قدر بن شداد=بعيون عبله تعزوى والعدى صاح وهزمها
فهد الحصيني06-Apr-2010, 08:45 PM
معنا السيوف الشطيره ماحسبنا ظيم الأكراد=خل البدو تسرح وترعى غنمها مع بهمها
مـات ابن شداد ياجلمـود ماأحدٍ عنه نشاد=وراع المطيه ترى وسمه علاها قد وسمها
الجلمود06-Apr-2010, 08:59 PM
ياراعي السيف سيفك كم ذبح في روس الاشهاد=احص الجنايز وعطني تركة القوم وعلمها
صوره ومعنى وسيفن يصخره في النار حداد=في لوحة الحايط اللي فوقها يجري قمها
فهد الحصيني06-Apr-2010, 09:16 PM
من كثر قتلاي ياجلمود عاجز حصر الأعداد=وأهل الشيم يالسنافي ماتفرط في شيمها
أهل الحسد من حسدهم هم ترى يدعون حساد=وأهل الكرم ماصدق من هو يبايجحد كرمها
الجلمود06-Apr-2010, 09:19 PM
من كثر قتلاي ياجلمود عاجز حصر الأعـداد
وأهل الشيم يالسنافي ماتفـرط فـي شيمهـا
الله لايبعثهم هههههههه
صح لسانك يالذيب ويعلم الله ان ودي
اكمل لكن لظروف خارجه عن ارادتي
اضظر مكرها اخاك لابطل ان اختم
والا لي شرف مجاراتك واللعب معك يابن العم
تقديري لك
فهد الحصيني06-Apr-2010, 09:44 PM
الذيب النفيعي
الطيب والجود عمله طيبه مابين الأجواد=واللي تعامل بها يكتب له أجر ويغتنمهـا
والشر والخير ضدينٍ وتشمل جملة أضداد=والخير قسم الرجال اللي ينومسها قسمها
الجلمود
رجلي لكل الصفات الطيبه فـي الـدرب تنقـاد=ولي الشرف يوم ادرج ساقها واحفـي قدمهـا
والضيف يقلط ولاينشد معازيبـه عـن الـزاد=لو ان عينه على اللي في الصحن ينطف دسمها
الذيب النفيعي
هداج تيما يعدونـه ودايـم كـان ينـراد=عد الروى يروي العطشان في سالف قدمها
والظيف في دبرت معزبه لوظيفتـه بـراد=مايقدر ايقول هات أم الشحم واكل شحمهـا
الجلمود
من لا معه حبل ماله فوق جال العد ميراد=الا ليا صدرت عن حاضها البدو بغنمهـا
لاكثر لله خير اللي نقص قدر بـن شـداد=بعيون عبله تعزوى والعدى صاح وهزمها
الذيب النفيعي
معنا السيوف الشطيره ماحسبنا ظيم الأكراد=خل البدو تسرح وترعى غنمها مع بهمهـا
مات ابن شداد ياجلمود ماأحدٍ عنه نشـاد=وراع المطيه ترى وسمه علاها قد وسمها
الجلمود
ياراعي السيف سيفك كم ذبح في روس الاشهاد=احص الجنايز وعطني تركـة القـوم وعلمهـا
صوره ومعنى وسيفن يصخره في النار حـداد=في لوحة الحايط اللـي فوقهـا يجـري قمهـا
الذيب النفيعي
من كثر قتلاي ياجلمود عاجز حصر الأعـداد=وأهل الشيم يالسنافي ماتفـرط فـي شيمهـا
أهل الحسد من حسدهم هم ترى يدعون حساد=وأهل الكرم ماصدق من هو يبايجحد كرمهـا
فهد الحصيني06-Apr-2010, 09:49 PM
الجلمود
صح بدنك والله يكرمك ويسلمك
ومعذور يالغالي وضرفك أبدى من المحاوره
والله يشرف مقدارك يالقرم
لك ودي وخالص تقديري
علي فلاح العضياني07-Apr-2010, 10:17 AM
الله الله
صح لسانك يالذيب النفيعي
صح لسانك يا جلمود
محاوره راقيه
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
