16-Jun-2010, 07:47 PM
سلطان الهاجري
يامرحبا بالعميل مطول الغيبه
تعال اعلمك باحلامي وفسرها
مستور يا صاحبي سلم على عتيبه
سلم على عتيبه الهيلا وخبرها
مستور العصيمي
والك البقاء يا غليم جالك الشيبه
الشاعر اللي يوردها يصدرها
انا بعيد ٍ عن الشكات والريبه
والضاميه تضرب الحاض بمناخرها
الهاجري
ابو مشاعيب مومية ٍ مشاعيبه
وعظامك اللي يكسرها يجبرها
ترا الجمل لا برك كثرة عذاريبه
ما انته مسند علوم ولا محدرها
مستور
اليا عصاني زماني ويش اسويبه
وعلوم سلطان بن وسام خابرها
ما كل رجال تدري عن مطاليبه
لكن وقع علومك لا تطيرها
الهاجري
المورد الحلو غثربتوا مشاريبه
واللي بقا غبة ٍ ترطن بواخرها
الفار يسرق وياكل تمرة العيبه
وانته مضالك سنه وانته تدورها
مستور
انا اعطي الصاحب الغالي مواجيبه
وسلوم خالك وجدك لاتغيرها
وان كان قلبك يشيل الغيب والغيبه
نبى نفصد عروقه لين ينكرها
الهاجري
ياطيب مستور هاك اليوم يا طيبه
قدم الرمك لا توطاه بحوافرها
اثره يعرف الزمان اليا عوا ذيبه
يقول يالله فاولها وفاخرها
مستور
يمين سلطان هاك اليوم في جيبه
والا العصيمي يصخرك ويصخرها
احزم حزامك ترا ما دونها هيبه
دلالك اللي من العنبر مبهرها
الهاجري
مالك بهالدار تشريقه وتغريبه
عزة ديار الهواجر من هواجرها
منيحة ٍ ديسها يبست محاليبه
قامت تقدم رجل مدري توخرها
مستور
اللي يشوف الهدف يعرف مضاريبه
يا خالق الناس لاتعمي بصايرها
يالشاعر الدار عزه من مناصيبه
واللي يبى صورة العذرا يصورها
الهاجري
الشر والموت الاحمر ويش تبغي به
اهل الخناجر مطرفة ٍ خناجرها
مستور يكتب وفلينا مكاتيبه
يحيمر العين والا لا يحيمرها
مستور
الوقت مثل الجمل ترمح عراقيبه
والناس ما تعرف اللي في ضمايرها
لاتشعل الضو ولاتلاحق مشاهيبه
اخاف من نار تغدي في سعايرها
يامرحبا بالعميل مطول الغيبه
تعال اعلمك باحلامي وفسرها
مستور يا صاحبي سلم على عتيبه
سلم على عتيبه الهيلا وخبرها
مستور العصيمي
والك البقاء يا غليم جالك الشيبه
الشاعر اللي يوردها يصدرها
انا بعيد ٍ عن الشكات والريبه
والضاميه تضرب الحاض بمناخرها
الهاجري
ابو مشاعيب مومية ٍ مشاعيبه
وعظامك اللي يكسرها يجبرها
ترا الجمل لا برك كثرة عذاريبه
ما انته مسند علوم ولا محدرها
مستور
اليا عصاني زماني ويش اسويبه
وعلوم سلطان بن وسام خابرها
ما كل رجال تدري عن مطاليبه
لكن وقع علومك لا تطيرها
الهاجري
المورد الحلو غثربتوا مشاريبه
واللي بقا غبة ٍ ترطن بواخرها
الفار يسرق وياكل تمرة العيبه
وانته مضالك سنه وانته تدورها
مستور
انا اعطي الصاحب الغالي مواجيبه
وسلوم خالك وجدك لاتغيرها
وان كان قلبك يشيل الغيب والغيبه
نبى نفصد عروقه لين ينكرها
الهاجري
ياطيب مستور هاك اليوم يا طيبه
قدم الرمك لا توطاه بحوافرها
اثره يعرف الزمان اليا عوا ذيبه
يقول يالله فاولها وفاخرها
مستور
يمين سلطان هاك اليوم في جيبه
والا العصيمي يصخرك ويصخرها
احزم حزامك ترا ما دونها هيبه
دلالك اللي من العنبر مبهرها
الهاجري
مالك بهالدار تشريقه وتغريبه
عزة ديار الهواجر من هواجرها
منيحة ٍ ديسها يبست محاليبه
قامت تقدم رجل مدري توخرها
مستور
اللي يشوف الهدف يعرف مضاريبه
يا خالق الناس لاتعمي بصايرها
يالشاعر الدار عزه من مناصيبه
واللي يبى صورة العذرا يصورها
الهاجري
الشر والموت الاحمر ويش تبغي به
اهل الخناجر مطرفة ٍ خناجرها
مستور يكتب وفلينا مكاتيبه
يحيمر العين والا لا يحيمرها
مستور
الوقت مثل الجمل ترمح عراقيبه
والناس ما تعرف اللي في ضمايرها
لاتشعل الضو ولاتلاحق مشاهيبه
اخاف من نار تغدي في سعايرها
