الكبر والزود

الله الله

طاروق ووجهة نظر واقرب شاعر



لقينا المعرفه في دروس الليال السود=بعد علمتنا نص الاصحاب وشلونه
انا شوف بعض اصحابنا فيه كبر وزود=ولو جت على المكشوف حبته مطحونه

عز الرفيق اعجبتني البدعه واسمحلي:)


لقيتوا لقيتوا مير ما نعرف المقصود=ليا حولت من راس جده ليا امتونه!!
صحاب الوجيه السود تبقا وجيهن سود=ولو كبرت الشجره والأرزاق مضمونه!!

لقينا وعلمنا بعلمن عليه شهود =هذا وضعكم ياصحابنا اللي تعيشونه
منول يقال الجود دايم من الماجود=ونا اقول وقتن راح لا يمكن تعيدونه

منول يقال الجود دايم من الماجود=ونا اقول وقتن راح لا يمكن تعيدونه

اخوي عز الرفيق

فيه خلل في الشطر الثاني الله لايهينك

واعتقد انك تقول

وانا اقول وقتن راح يمكن تعيدونه )

اخوي عزيز العبدلي

انا اقووووووول لالالالالالالا يمكن تعيدونه

برق ياعز الرفيق

الوزن زايد في الشطر الثاني

واعتقد الخلل في حرف ال (لا)

اصلح الخلل وخلنا انكمل الطاروق:)

هههههههههههههههههه

عزيز برقنا وبرقنا ولا لقينا خلل
لكن حاول تلحنها اللحن الصحيح

ونكانها مشكله عليك غيرنا البيت كله


منول يقال الجود دايم من الماجود= وهذا الزمان اللي مضى ماتعيدونه

طيب يا عز الرفيق مامن مشكله


وألا يا رجل ياللي تباعد هبوب النود=عسى الله يبقي رمش واحد على اعيونه!!
وأثر حظي المقرود يبقا ليَه مقرود=ولو أكثر احظوظ العرب دوم مصيونه !!

كثير العرب لو يعجب العين مامن فود=لكن بعد هاذي قلنا وش تسمونه
ترى حظك المقرود لا حك عودن عود=تمنيت لو كلمتك فالصدر مدفونه

كثير العرب لو تبذل الجهد والمجهود=تساوت ريالاته كما جمع مليونه!!
وألا يالدروب اللي مساليكها ممدود=عسى من مشا فيها يعوّد على هونه!!

عزيز بيض الله وجهك شرفتني

نستأذنك النوم سلطان

ولنا لقاء قاااادم


تحياتي

يا مرحبا يا عز الرفيق

والشرف لي

وتصبح على خير

الله الله


عز الرفيق // عزيز



صحت قلوبكم ولاهنتوا