عبــر الزمن تاريخها فوق سامي

في ليله من أجمل الليالي وعند قبيلة من خيرة القبائل في الجزيرة العربية - (في ضيافة قبيلة حرب المشهورة)
- في حفل زواج أبن الأخ/ الشاعر سعد بن هذيل الفريدي الحربي وفي قصر درة المملكة بالرياض وبدعوة كريمه من صاحب الحفل شاركت بهذه القصيدة وذلك مساء
يوم الثلاثاء الموافق 1/8/1431هـ



إجابة الدعوة تجب بعض الاحيان= خص(ن) ليا جت من رجال(ن) إحشامي

لياجات من شجعان من نسل شجعان =مثل العزيز الصيرمي القطامي

ابو فهد طير السعد طير حوران = رجل(ن) صميدع من اكبار الأسامي

ثلاثة حروف(ن) تبادر للأذهان = عبر الزمن تاريخها فوق سامي

قوم(ن) تخلد فعلهم عبر الأزمان = يبقى إلى يوم البعث والمقامي

حرب أهل الوقفه ومن دون حقران = لاهل الجزيرة كلهم بالتمامي

وماغرد القمري على خضر الأغصان =سلام من شرف ورد السلامي

على الرجال اللي لهم بالفخر شان=ولهم من أعلى المجد رأس السنامي

عدوهم يخذل ويدحر وينهان =واتلا العهد به فوقه الطير حامي

وصديقهم ماقل شانه ولاهان=كنه لحدهم واحد من العمامي

حطوا لهم في صفحة المجد عنوان=غراس زرع(ن) ماتلاه الصرامي

ويوم الأعنه والأسنة والأرسان=كم صبحوا قوم وخذوا من جهامي

ولاهم بفي حاجة شهادات صدقان =لكن قول الصدق ينطق اشمامي

وانا على مدح المطاليق شفقان = ولمدحهم جيعان بالحيل ظامي

هذا وانا من عزوة شانها شان =تارد احياض الموت ورد الضوامي

ليا قيل منهم قلت بالاسم عتبان =ماينجهل تاريخنا يالكرامي

عتبان لاثار الدخن واللغا شان=وكثرت غطارف ناقشات الوشامي

كم شيخ قومن طش للذيب سرحان =وراحت جموعه عن نحانا انقسامي

حماية الساقه وحامين الأضعان= ودون الخوي والجار دايم انحامي

وللضيف والعاني كما الغيث هتان= ودخيلنا بوجيهنا مايضامي

ومادامنا ياحرب احبه وجيران= وكلمة شبابه جامعتنا الزامي

له عندنا قيمه وشيمه وميزان= حق الجوار اللي عليه الكلامي

انقدر الطيب كرامه وعرفان = هاذي عوايدنا ولابه ملامي

واليوم في دولة هل السيف شامان = ودستورها سنة شفيع الأنامي

للشرع تباعه وللعدل عنوان =ومن خالف السنه قليل الرحامي

ننعم بمن وبخير في كل الأوطان=ونرى التطور عام من بعد عامي

وكل القبايل صاروا انساب واخوان=وولا زمان الحنشلي والحرامي

في ظل عبدالله ونايف وسلطان=حكامنا وابنا المليك الإمامي

وتمت بيوت(ن) مبتداها على أن=واختامها بتحيتي واحترامي

صح لساااااااانك وبيض الله وجهك

((حق المسلم على المسلم إجابة الدعوة))

أبو علي
مشكور على مرورك العطر . صح بدنك الله يمتعك بالصحة والعافية . تحيــــــــــــــــاتي

بسم الله الرحمن الرحيم

ابو نايف صح لسانك وفيت وكفيت كما عودتنا والله لايهينك

الأخ الكريم الشاعر / ابو عبدالإله
صح بدنك مرورك شرف للمتصفح لاعدمناك وقبيلة حرب تستاهل والطيب مايضيع بين الرجال. تقبل تحيــــــــــــــــــــــاتـــــــــــــي

][`~*¤!||!¤*~`][أخوي أبو نايف الروقي

صح لساااااااانك وبيض الله وجهك][`~*¤!||!¤*~`][

الأخ / أبو غيث
لاهنت على مرورك الكريم والمكسب مرورك وإطلاعك على القصيدة . قبيلة حرب تستاهل بلاشك . تقبل تحيات محبكم .

بيض الله وجهك وصح السانك

ولد روق
لاهنت على مرورك العطر . تقبل تحياتي .

لـه عندنـا قيمـه وشيمـه وميـزان
حـق الجـوار اللـي عليـه الكلامـي

صح السانك

..



صح لسااااااااااانكـ



وبيض الله وجهك..

الأخوان / مفرح العطاوي والمشرف القدير محمد الذيابي شاكراً مروركما وجزاكما الله خير الجزاء . محبكما

صح لسانك يابو نايف


وتستاهل حرب

ووجهك أبيض والله لايهينك

وفيت وكفيت وبيض الله وجهك وصح لسسسسانك وعلى ششششانك يابونايف

الغضنفر / صح بدنك لاهنت