ودّي اشري من نياق الساحل الغربي مقاني: ماجد الهذلي
عيد العازمي14-Nov-2010, 04:26 AM
ماجد حياك الله بين ربعك يالغالي
مرحبا باسم الرجال اللي لهم لزمه وعاني = عزوة عتيبه هل الميقاف والمد الجزيلي!!
ودّي اشري من نياق الساحل الغربي مقاني = والسبيعه بين بايعها وشاريها هذيلي!!
فهد الشهيب الثبيتي14-Nov-2010, 04:28 AM
طيب طيب يابو طلال
صح لسانك ولسان ماجد مقدما
متابعين
عبد الرزاق بن سعود النفيعي14-Nov-2010, 04:28 AM
صح لسانك يابن عاصي
وفي انتظار قبيلك
عيد العازمي14-Nov-2010, 04:31 AM
فهد الشهيب
عبدالرزاق سعود
صحت ابدانكم وشوفكم مكسب لاهنتو
عبد الكريم العازمي14-Nov-2010, 04:32 AM
صح اللسانك يا ابن العم والصف صفك ولا يهون الهذليّ
ماجد الهذلي14-Nov-2010, 04:39 AM
الله يبقيك
أستلم
البقا باللي يرحب لو أنا جالس مكاني = في محل أهل الوفا وأقولها والله وكيلي
أنت بايع وأنت شاري وأنت مع جور الزماني = وإن بركت أبرك جمل للحمل حتى لا يميلي
ماجد الهذلي14-Nov-2010, 04:42 AM
فهد الشهيب
حياك الله وصح بدنك
تسلم على الحضور
خلف المطيري14-Nov-2010, 04:43 AM
صحت الالسن والقلوب جميع
والصف محايد
ماجد الهذلي14-Nov-2010, 04:47 AM
عبد الرزاق سعود
عبد الكريم العازمي
خلف المطيري
الله يحييكم وحضوركم شرف
لاهنتوا
عيد العازمي14-Nov-2010, 04:49 AM
ماقصرنا فالحقوق ولا جلسنا فالطماني = نبذل المعروف مانبغا جزاه بكل ليلي!!
عندي المال ونخيتك وانت واحد من خواني = عن لزومي لا تعذّر وانت فالساحل عميلي!!
عيد العازمي14-Nov-2010, 04:50 AM
عبد الكريم العازمي
خلف المطيري
الله يحييكم وحضوركم شرف
لاهنتوا
ابراهيم الجـــــذع14-Nov-2010, 04:51 AM
يا سلام يا سلام
بدايه رائعه
ورد رائع
صح السانك يا أبو طلال
وصح السان ماجد
مبدعين وحنا متابعين
ابن المحايا14-Nov-2010, 04:54 AM
عيد العازمي###ماجد الهذلي
صحة الالسن والابدان
متااااابعين للتميز والابداع
والصف صف ابن عاصي
عيد العازمي14-Nov-2010, 04:55 AM
ابو نايف
ابن المحايا
ابرك الحزات تشريفكم لنا
صحت ابدانكم يالغالين
سعود العصيمي14-Nov-2010, 05:07 AM
ودّي اشري من نياق الساحل الغربي مقاني
والسبيعه بين بايعها وشاريها هذيلي!!
طيب طيب
يابو طلال صح لساااانك
ماجد الهذلي14-Nov-2010, 05:09 AM
خابرينك ما تغيب بين خوف وبين أماني = تنقل الحمل الخفيف وتنقل الحمل الثقيلي
أنت ما تنرد عن دربك وفي عظمك لياني = أحسبن علومك تسر الضمير وعزتي لي
سعود العصيمي14-Nov-2010, 05:09 AM
أنت بايع وأنت شاري وأنت مع جور الزماني
وإن بركت أبرك جمل للحمل حتى لا يميلـي
وإن بركت أبرك جمل للحمل حتى لا يميلـي
وإن بركت أبرك جمل للحمل حتى لا يميلـي
الله الله
ماجد الهذلي
صح لسااانك رد رااائع
عيد العازمي14-Nov-2010, 05:09 AM
ارحب يابو طايل
وطاب يومك وليلك
وصح بدنك
خلف المطيري14-Nov-2010, 05:10 AM
ابوطلال عبر لي عن احساسك يوم حصلت علي الوسام
تطور مستواك ولاّ حسيت باحساس ثاني
ياليت اتعلمني
ماجد الهذلي14-Nov-2010, 05:12 AM
ابراهيم الجذع حياك الله
حضورك شرف لاهنت
تسلم
ماجد الهذلي14-Nov-2010, 05:14 AM
ابن محيا
صح بدنك وحياك الله ملايين
حضورك شرف
خالد العصيمي14-Nov-2010, 05:14 AM
ابوطلال عبر لي عن احساسك يوم حصلت علي الوسام
تطور مستواك ولاّ حسيت باحساس ثاني
ياليت اتعلمني
كلن على همه سرى
هههههههههههههههه
صح السانك ياعيد وصح السان ماجد
متابع
خلف المطيري14-Nov-2010, 05:16 AM
كلن على همه سرى
هههههههههههههههه
صح السانك ياعيد وصح السان ماجد
متابع
هههههههههه
مافيها شي ابشوف احساسه
لاتحاتي عندي وسام الصاعقه
ماجد الهذلي14-Nov-2010, 05:16 AM
سعود العصيمي
حضورك ومتابعتك مكسب يالأمير
لاهنت
أخوك
عيد العازمي14-Nov-2010, 05:22 AM
يفرج الله همك المكتوب ياذا المودماني = اشعل النور القصير وتطلب النور الطويلي!!
سايقلّك من شفا نجد النقا الحر العماني = كيف اعوّد من تهامه لا نياق ولا حصيلي!!
عيد العازمي14-Nov-2010, 05:25 AM
ابوطلال عبر لي عن احساسك يوم حصلت علي الوسام
تطور مستواك ولاّ حسيت باحساس ثاني
ياليت اتعلمني
مار بسلامة الوسام ياخلف
كرهته يوم اشوف اسمك بدونه:)
خلف المطيري14-Nov-2010, 05:25 AM
يفرج الله همك المكتوب ياذا المودماني = اشعل النور القصير وتطلب النور الطويلي!!
سايقلّك من شفا نجد النقا الحر العماني = كيف اعوّد من تهامه لا نياق ولا حصيلي!!
العماني ياكل ابدوده لا جاع
عليك فالحمر الشراريه خف وزول وطوع وجسامه
صح السانك يابوطلال
عيد العازمي14-Nov-2010, 05:27 AM
خالد العصيمي
ارحب ياخليفة المحيط ههههه
وصح بدنك يالغالي
عيد العازمي14-Nov-2010, 05:28 AM
العماني ياكل ابدوده لا جاع
عليك فالحمر الشراريه خف وزول وطوع وجسامه
صح السانك يابوطلال
فل ابشن اجل ياخلف:d
شرفت يابو عبدالله وصح بدنك
خلف المطيري14-Nov-2010, 05:31 AM
مار بسلامة الوسام ياخلف
كرهته يوم اشوف اسمك بدونه:)
هههههههههههههههههه
ماهو بس انت واجد يقولونه حتي حبيب العازمي يقوله
يالله وش نسوي نصيب
انا اخر اسم العارضي وانت اخر اسم العازمي ليه مانشيل النقطه اللي علي حرف الزا وانحطها
علي حرف الراء وناخذ النقطه اللي علي حرف الضاء وانحطها علي حرف الميم واتصير حرف ضاء
واصير شاعر نخبه وانت شاعر عادي
ها وش قلت
عيد العازمي14-Nov-2010, 05:33 AM
هههههههههههههههههه
ماهو بس انت واجد يقولونه حتي حبيب العازمي يقوله
يالله وش نسوي نصيب
انا اخر اسم العارضي وانت اخر اسم العازمي ليه مانشيل النقطه اللي علي حرف الزا وانحطها
علي حرف الراء وناخذ النقطه اللي علي حرف الضاء وانحطها علي حرف الميم واتصير حرف ضاء
واصير شاعر نخبه وانت شاعر عادي
ها وش قلت
بدون اخذ وعطا
وسامي يفداك ياخلف
كلم اصحابك فالاداره وانا متنازل عنه لك امام الجميع
ماجد الهذلي14-Nov-2010, 05:35 AM
راحت الأيام سيفي سد عنه الخيزاراني = أشتكي وقتي ووقتي من همومه يشتكي لي
إن تركته كيف يسلم وإن نصيته مانصاني = عيد يبغاله جمل وألا يبا بن ً وهيلي
عبد الكريم العازمي14-Nov-2010, 05:39 AM
انت كريم يا عيد وخلف يستاهل
وانا بأخذ لقب الهذلي بعد!.....ان سمح
ابن المحايا14-Nov-2010, 05:41 AM
هههههههههههههههههههه
باقي نقل ملكية بس
لكن المشكلة الحين عطلة
حظك ماش يالعارضي
الوسام مهوب مكتوب لك;)
خلف المطيري14-Nov-2010, 05:41 AM
بدون اخذ وعطا
وسامي يفداك ياخلف
كلم اصحابك فالاداره وانا متنازل عنه لك امام الجميع
عسا من عقبك للجنه قول امين
ياطيب ابوطلال طيباه
لاوالله الوسام يزهاك وتزاهاه
الحين حنا فايام مبروكه نبا انقزرها طواريق فكاهه ومعني
والشهر الجاي طواريق نار ودمار هههههههه
خربت الدعوه
عيد العازمي14-Nov-2010, 05:45 AM
ما يهوجس يالهذيلي حافظ السبع المثاني = عند ذودك بالعصا والظل من فوقك ظليلي!!
شاعر هذيل الكريمه راعي الحيل السماني = لا يكدّر خاطره سيل الجبال مع المسيلي!!
عيد العازمي14-Nov-2010, 05:48 AM
هههههههههههه
ياخلف بدون طواريق نار ودمار اخذ الوسام
ان كان بالطواريق تبا تبطي ماخذته مني <<<< لاتقول هوّن لا
فاوض الاداره فالعطله وابشر بالخير
خالد العصيمي14-Nov-2010, 05:53 AM
خالد العصيمي
ارحب ياخليفة المحيط ههههه
وصح بدنك يالغالي
البقى يابو طلال هههههههههه
متابع وبالصف بعد
عيد العازمي14-Nov-2010, 05:54 AM
ارحب ياخالد
تشرف متابعتك ووقفتك لاعدمتك
خلف المطيري14-Nov-2010, 05:57 AM
هههههههههههه
ياخلف بدون طواريق نار ودمار اخذ الوسام
ان كان بالطواريق تبا تبطي ماخذته مني <<<< لاتقول هوّن لا
فاوض الاداره فالعطله وابشر بالخير
هههههههههههههههههههههههههه
توني مادحك وراك قلبت علي
بعدين عنتر اذبحه عما فما بالك صاهود باشا:p
ماني امفاوض احد
ياحياة تسر الصديق يامماتن يغيظ العداء
والليالي دول يابوطلال هههههههه قلبتها خطبه
صح السانك
وصح السان الهذلي
معجب العتيبي14-Nov-2010, 06:00 AM
عيد العازمي
ماجد الهذلي
صحة الالسن
من النوم ماقريت شي لكن لي عوده للتنسيق والمخمخه ههه
عيد العازمي14-Nov-2010, 06:01 AM
هههههههههههههههههههههههههه
توني مادحك وراك قلبت علي
بعدين عنتر اذبحه عما فما بالك صاهود باشا:p
ماني امفاوض احد
ياحياة تسر الصديق يامماتن يغيظ العداء
والليالي دول يابوطلال هههههههه قلبتها خطبه
صح السانك
وصح السان الهذلي
عطيتك الوسام بطيب نفس ياخلف وقلبتها تحدي انت هههههه
مار مادون الحلوق غير اليدين
وابشر باللي تباه يابو عبدالله
شرفتنا وصح بدنك
عيد العازمي14-Nov-2010, 06:02 AM
ارحب يامعجب الهيلا مليون
وصح بدنك شرفت اخوانك
ماجد الهذلي14-Nov-2010, 06:03 AM
أنت شاعر ما تخفا كيف تخفاه المعاني = تصبح بهمك وتمسي ما أنت صانع مستحيلي
الفروض اللي تصليها قبل وقت الأذاني = أطلب الله مغفرة والحال يحتاج تعديلي
مطني الحافي14-Nov-2010, 06:10 AM
عيد العازمي14-Nov-2010, 06:19 AM
ماجد شرفت اخوك العازمي والختام عندك يالغالي
لاهنت على تشريفي
مابدعت القاف والله لاجل هطلان الاذاني = اقبس الزند اللظي من قو باسي فالفتيلي!!
دارت الهجره رحاها والرشا جر السواني = والنوايا الصافيه ينجابها عابر سبيلي!!
عيد العازمي14-Nov-2010, 06:21 AM
مطني هلابك شرفت
اشكرك ياماجد وصح لسانك
وتحيه لكل من شرفنا
وكل عام والجميع بخير
ماجد الهذلي14-Nov-2010, 06:29 AM
الشرف لي طال عمرك
لاهنت وبيض الله وجهك
واللعب معك مكسب
يا جبل بين الجبال العشر لا ترجع ثماني = وافي المكيال ماهمه يكيل ويستكيلي
لو درى عن الزلامي قدمك عند السناني = وكل بيت يحللونه لو ما احتاج تحليلي
ماجد الهذلي14-Nov-2010, 06:31 AM
الشكر لك يا عيد
ولجميع من حضر
وشرف المحاورة بحضوره
وبيض الله وجيهكم
وكل عام وانتم بخير
وتصبحون على خير
فايز بن سرحان الثبيتي14-Nov-2010, 04:03 PM
ياسلام ياسلام صحت السنتكم "
عيد العازمي & ماجد الهذلي "
طاروق كايف وهدايا مجانية ! "
متابعين للابداع اينما حل "
ماجد العوني14-Nov-2010, 04:09 PM
الله الله \
صح لسسسسسانك ياعيد العازمي وصح لسسسسسسانك يالسمي
والله لو حاضر كان بصفك ياماجد الهذلي متعصب ههههههههههه
طاروووق رائع من شعراء
علي الثبيتي14-Nov-2010, 11:40 PM
اول شي مرحبا تراحيب المطر ياماجد وابرك الساعات عودتك للمنتدى
وثاني شي صح لساااااان الشاعر الخلوق والمميز عيد العازمي
وصح لسااانك ياماجد طاروق رائع وفتل ونقض
ويستاهل التميز
المهنّــــد15-Nov-2010, 12:34 AM
صح لسانك ياعيد وصح لسانك ياماجد وعوده موفقه
انت كنت من المجموعه النخبويه وجدير ان تعود لها مره ثانيه
شكرنا وتقديرنا.
