محمد السناني و شاهر العنزي ...!!!

شاهر العنزي
سلام تسليمة على اللي حاضر بقصر السلام ... لمعزب الضيفان و ضيوف المعزب كلها
توالت الاحداث هذا العام خالف كل عام ... و المملكه سلمت من دقاق الامور و جلها

محمد السناني
يا مرحبا ترحيبتن بالفعل ماهي بالكلام ... الله يديم الشجره اللي نستظل بظلها
اللي يهمك ساعة التسليم ولا الاستلام ... باقي الدعاوي توها ما كلفوك بحلها

شاهر السناني
ما يضعف اهل الموقف الغصاب غير الانقسام ... و اللي يدور للدروب المنجيه يدلها
ما كل موضوع يا ابو تركي نلقيه اهتمام ... لكن بعض امور من صالحك لو تفطن لها

محمد السناني
متبادلين المصلحه متبادلين الاحترام .. و المشكله باللي يعرف دروبها و يزلها
حسب النظام العسكري مفروض عينك ما تنام ... تسهر على البيبان لين ان العرب تاذن لها

شاهر العنزي
الله يبارك بالرجال اللي ما يلحقها ملام ... سلم على ذولا و هذولاك روح وخلها
حسب النظام اللي تعرفه لا تغيب عن الدوام ... تسهر على المعنى جميع بيوته تحلل لها

محمد السناني
انته هنا وقعت نفسك في محل الاصطدام .. خليت بعض الناس تزعل لك ولا تزعل لها
انا اغتنمت الفرصه اللي تستحق الاغتنام .. واللي على بالي نويت اتعب لها و اصل لها

شاهر العنزي
و انت هنا حطيت نفسك في محل الاتهام ... واللي يدور للمشاكل يا محمد ملها
اللي ترك لك فرصة المعنى لعله للرحام .. لكن ليلى العامريه ما لها الا خلها

محمد السناني
الحمدلله ما وقعت بشيء من درب الحرام ... و انته تدور لحظة الفله ثم تفلها
الله يا وجدك على التكبير فالبيت الحرام .. لكن لا انت مشاهد الكعبه ولا واصل لها

شاهر العنزي
اشهد شهادة حق يا محمد لو يزيد الخصام ... كل العلوم المخطيه احفر لها و ادفن لها
النار لأبراهيم بامر المعتلي برد و سلام ... حافظ صلاتي وانت لا حلت صلاتك صلها

محمد السناني
الثار ما يوخذ من اللي ما يسد الانتقام ... و الناس تعرف دمعة المقهور يوم يهلها




http://www.youtube.com/watch?v=hqitaGDzThU

سلمت على النقل يافيصل

الله يسلمك من كل شر يا الذيابي

ولا هنت على مرورك طال عمرك

شكرا يا فيصل من قراءه أوليه من الجوال أرى الطاروق لم يخرج عن شاعر المعنى ولجنته وقناته

حياك يا ابو فايح بأي وقت

و ما نستغني عن اطروحاتك


بإنتظار عودتك