الشاعر نمر السحيمي يرثي نفسه

السلام عليكم ورحمة الله وبركاته

هذي قصيده للشاعر نمر السحيمي التي رثى فيها نفسه وأبدع في وصف

الاحتضار والمحاسبه بعد الموت وفي القبر


جاني وانا في وسط ربعي وناسي

جاني نشلني مثل ما ينشل الناس

مني نشل روح تشيل المآسي
تشكي من ايام الشقى تشكي الياس

اثر الألم في سكرة الموت قاسي

ما هالني مثله وانا انسان حساس

جابوا كفن ابيض مقاسه مقاسي

ولفوا به الجسم المحنط مع الراس

وشالوني اربع بالنعش ومتواسي

عليه ومغطى على جسمي الباس

وصلوا علي وكلهم في مآسي

ربعي ومعهم ناس من كل الاجناس

يا كيف سوا عقبنا تاج راسي
وامي الحبيبه وش سوى بها الياس

اسمع صدى صوت يهز الرواسي

قولوا لها لا تلطم الخد يا ناس

قولوالها حق وتجرعت كاسي

لا تحترق كل يبي يجرع الكاس

اصبحت في قبري ولابه مواسي

واسمع قريع نعولهم يوم تنداس

من يوم قفوا حل موثق لباسي

وعلى رد الروح صوت بالاجراس

هيكل غريب وقال ليه التناسي

صوته رهيب وخلفه اثنين حراس

وقف وقال ان كنت يا نمر ناسي

هذي هي اعمالك تقدم بكراس

ومن هول ما شفته وقف شعر راسي

وانهارت اعصابي ولا ارد الانفاس

يا ليتني فكرت قبل انغماسي
بالغفله اللي منتهاها للافلاس

وفزيت من نومي على صوت ناسي

وأصرخ وأقول الموت وأحذر الناس


نسأل الله أن يرحمنا ويرحم قايلها ويحسن خواتمنا

وســلامتكم

الغربي الروقي

هلا وغلا وماقصرت قصيده قمه في الروعه

تحيااااااااااااااااتي

الأخ الغربي العتيبي

مشكور ولا قصرت

ورحم الله الشاعر
نمر منور السحيمي

ولك تحياتي

العفو يالعطاوي يالدلبحي انت والسويلم ولاعدمناكم وماقصرتو على المتابعه