الشيخ صنيتان الظيط يكرم الشاعر ممدوح العطياني

الشيخ صنيتان الظيط يكرم شاعر النظم والمحاوره ممدوح العطياني

بمناسبه هذه القصيده التاريخيه



يابو فهد لاتعكر جوّي الهادي =الوضع ماهو بلا طيب ولاعادي
عندي رفيقٍ عمرت الطيب من يمه = وفيه الغلا كل يوم وليل يزدادي
كم شاعرٍ سخر الأبيات في مدحه = وأزرى يوفي حقوق الملح والزادي
هذاك شيخا دلاله مع تراحيبه = تقول مزن معه بارق ورعادي
من الكرم يذبح من الضين حايلها = ومن الشجاعه يكيد الخصم ويعادي
متسلسل من الشلاوى روس بالحارث = اللي لهم في المراجل بيت وشدادي
قوم لهم في القدايم صوله وجوله = يوم أنها ضرب سيف وقدحة زنادي
عدوّهم لو حشد جيشه وقواته = ماله جدى الاّ الحسايف والتوجادي
أعد وقعاتهم وأحفظ قصايدهم = والخافي أعظم من المكشوف والبادي
أميرها الفارس أبن هريس من غيره = اللي لحوض المنايا يصيح وينادي
وشاعرهم المعتبر في النظم والقلطه = هذاك راع الجزيلات أبن عيادي
له بيت ياكثر مايطري على بالي = وياكثر مااوحيه في التلفاز والرادي
مهما تطول العمار اللحد مرجعها = رعيان الادباش ولاّ أسياد الاسيادي
قلته وأنا شاعر ماتقصر حبالي = ودون المواقيف مايحداني الحادي
لاصار كلا يعد الفعل والمنسب = حنا عتيبه خوال المصطفى الهادي
ومدام وان صفوة الامه بناخينا = مافيه داعي نعدد باقي الامجادي
واللي يبا شبه موجز من فعايلنا = ينشد شيوخ القبايل مثل أبن هادي
وكل القبايل جنوب الدار وشماله = تاريخهم شامخ في روس الاشهادي
أفعالهم في الجزيره ماحد يجحدها = يوم الجزيره قتال وحرب وجهادي
واليوم حنا تحت رآيه أخو نوره = دون الوطن نرخص الارواح ونفادي
يوم اليمن أشتكى حده من الحوثي = قمنا نحده ورى دخان من غادي
هذا الوطن لو نثر دمي على شانه = كني أشمه بريح المسك والكادي
حنا جنوده من الدمام لآ جده = ومن اليمن لين تاصل حد بغدادي



هنا المقطع


http://www.youtube.com/watch?v=pL8zAlsAdmo

لاصار كلا يعد الفعل والمنسب = حنا عتيبه خوال المصطفى الهادي
ومدام وان صفوة الامه بناخينا = مافيه داعي نعدد باقي الامجادي
واللي يبا شبه موجز من فعايلنا = ينشد شيوخ القبايل مثل أبن هادي


ثلاث أبيات خطيره جداَ


صح لسانه ويستاهل والشيخ صنيتان الظيط مواقفه مشرفه

صح لسانه قصيده جزله ورائعه لأبعد الحدود


وبيض الله وجه الضيط على اللفته الرائعه

قلته وأنا شاعر ماتقصر حبالي = ودون المواقيف مايحداني الحادي

صح لسانك ياممدوح عز الله إنك شاعر قوي أينما تواجدت
لاهنت يابو عاتق على النقل الرائع
والشيخ صنيتان الضيط يفعل الطيب و الشاعر ممدوح العطياني يستاهل

صح لسانه

وبيض الله وجه الظيط

صح اللسان العطياني وبيض الله وجه ابو فواز على البشت
تحياتي وتقديري

الله يعطيك العافيه يابن عاتق على النقل ويبض وجهك ولحق يقال اولاً هذا الشاعر (سيف العطيات)الشاعر الجزل ممدوح ابن سالم ابن الطيب العطياني من بيت طيب وجده الشاعر وراوى طيب العطياني وبن عم الشاعر العلم وصل مشهور العطياني وهم اهل كرم ونخوه وشهامه وهل طيب وتمتاز مجالسهم باهل العلم والشعار والشيوخ ومن يعرفهم بعرف ذلك عنهم ثانياً الشيخ الصنيتان الظيط صاحب نظره ..وكرم من يستحق التكريم ..قال الشاعر(على قدر اهل العزم تاتي العزايم**** وتاتي على قدر الكرااااااااااام المكارم....

كفووو ممدوح ويستاهل وصح لسسسسسسسانه على الرايعه الجزله..

يستاهل المادح والممدوح

..


كفو ياممدوح قصيدة جزله.



وبيض الله وجه الشيخ صنيتان الضيط..

صح لسان ممدوح العطياني


ويستأهل الظيط المدح


تحيتي

صح لسانه ولاهنت ياطيب

خيال الصبيه


شكراً لك على حسن الحضور والمرور


لاهنت *

،


صح لسانه العطياني

ويستاهل التكريم

والشيخ صنيتان الظيط كفو للمدح والثناء .

صح لسانك الشاعر ممدووح العطياني شاعر قادم بقووة الله يوفقه
و الشيخ صنيتان كما عهدناه محب للشعر الجزل و داعم للشعراء الشباب و غيرهم .
و تكريمه للشاعر ممدوح ماهو الا دليل على اعجابه بكل ما يقدمه الشاعر ممدوح وذلك من خلال مناسبات عده شارك فيها الشاعر و بحضور الشيخ صنيتان ،

تستحق يا ممدوح هذا التكريم و أكثر . و شكرا للشيخ صنيتان الضيط على هذآ العطاء الغير مستغرب ، ولاهو غريب الطيب من أهل الطيب .




لاهنت يا أبو عآتق و بيض الله وجهك ..
تحياتي .