جديد الشاعر سعود بن بدر.. موجهه لشاعر شاطي الشمري

/
.
.

بدايتي بسم الله ابدا بالعزيز المعتلي ...................... سبحان خلاق الكواكب والبشر في كوكبه

عنده خبر سر الزمان اللي مضا والمقبلي ...................... اليا استعنا نسعتين بفزعته والعون ابه

حنا بشر في غيب علم اللي خلقنا نجهلي ...................... انا بشر مسلم ومومن بالله ومايكتبه

واللي بعد ياهاجسي بالمفردات استرسلي ...................... من هاجس(ن) جته الحليله بالحروف امودبه

الشاعر اللي حد سيفه مايقص المفصلي ...................... من لاوقف قدلها سود الليال تقول به

التجربه رجالها يشرب قراح المنهلي ...................... والمعرفه ربي وهبها للعوارف موهبه

لو مانجيد سباحة البحر العميق المذهلي ...................... رحنا ضحية عكس مفهوم الليالي شوربه

وانا بدوي(ن) كل ماطاح الحيا سقت جملي ...................... من حقي امشي فالوطن واصول به واجول به

ديانتي مسلم ومن تباع ابو بكر وعلي ...................... نرفع علم سنة محمد والشعار انذود به

واخص في شعر النبط بنك(ن) من العمله ملي ...................... على هقاوي كلمة(ن) بين العرب متلو لبه

انا عتيبي والخوي من روس شمر لذلي ...................... مطنوخ راس(ن) بالوفا يشوشلي واشوش به

شاطي اليا جته البيوت المبهمات الجزلي ...................... يحلها ويفرها فر الاصابع لشنبه

لديت يمك بالنطر وانته بعد لديتلي ...................... وفي سوقها شفنا ضحية عيدها مجلوبه

يامفسر احلام الليال السود وش عديتلي ...................... حنا نشير ونستشير اللي يرد الشور ابه

انته لها قدلها واللي نشد ماهو خلي ...................... كل(ن) يعد من الحياه اللي دعس عرقوبه

اهل الجمال اللي تشيل حمولها وتزرفلي ...................... مارجعو ثوب اليتيمه بينهم مسلوبه

تتبع ربيع الدبدبه والصيف فالربع الخلي ...................... والحجه اللي تفلج ابها المدعي منهوبه

الشاعر/ سعود بن بدر العتيبي
(راع الكايدة)

صح لسانه

ولاهنت على النقل