يا مرحباً يا سنجار
عايض مثقاب الزراقي26-Apr-2013, 11:41 PM
يا مرحبا يا عيال مره والشعر يطرب نباه. أقسى من السيف الحدب وأكرم من الكف الندي
أنته ولد بنت وولد لاكن معكوس أتجاه. فكرت فيها يا بني مره وضيعت جهدي
راشد النفيعي26-Apr-2013, 11:48 PM
صح لسااانك وبانتظار سنجاااار
سنجار المري27-Apr-2013, 12:06 AM
ابقي البقى وانتم عيال الشعر نجمه في سماه ** يقولها شاعر مع الشعار كنه المسردي
تراه عمك وانت عمه وانت جالس في ذراه ** خلك مع الشعار طيب يازميلي ووجودي
سنجار المري27-Apr-2013, 12:07 AM
مرحبا يا رشد تراحيب المطر مشكور علي المرور الطيب
عايض مثقاب الزراقي27-Apr-2013, 12:20 AM
اليا شربت من البحر قالو هذا مبطي ضماه. واليا سريت الليل قالولك هذا شوفه جدي
انته تحت نور القمر وتقول انا مسري علاه. غضيت طرف العين عنها لوها مثل الجدي
عايض مثقاب الزراقي27-Apr-2013, 12:21 AM
هلا وغلا يا راشد
لاهنت ع المرور
سنجار المري27-Apr-2013, 12:31 AM
انته جدي وانا سهيل منت جاهل مستواه ** حنا كشفنا خططك وانته ماتجهل مقصدي
وانته تحت نور القمر خلك تحت كم العباه ** نفسك شريفه وانت رجلا ياولد منت بردي
عايض مثقاب الزراقي27-Apr-2013, 12:44 AM
انته وسيع العرف والطيب مانبحث في خفاه. لاكن انا مبغاك يا سنجار تشبهه لو لدي
انته محمل يا جمل وبعير درهم في خلاه. أسقيك من زمزم يا مري بس متعبك العدي
سنجار المري27-Apr-2013, 12:55 AM
وجهه الفقر ياصاحبي ماهو مثل وجهه الغناه ** انا بخطك فالقماره يوم غيرك فالبدي
انته محمل بالحمل واثره جمل والله بلاه ** تراك مذنب ياوسيع المعرفه واذبح فدي
سنجار المري27-Apr-2013, 12:57 AM
صح الله السانك واعتذر منك عندي دوام بكاره الفجر وتصبح علي خير
عايض مثقاب الزراقي27-Apr-2013, 01:04 AM
صح لسانك يا سنجار
شاعر مبدع تشرفنا باللعب معك
اشوفك على خير
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
