محافظة مرات معظم سكانة من عتيبة
عتيبة هل الغارة19-Jun-2013, 08:31 PM
السلام عليكم ورحمه الله وبركاته
نتكلم اليوم عن محافظة جديدة من محافظات قبيلة عتيبة وهي محافظة مرات تبعد عن محافظة شقراء ثلاثين كيلو متر جنوبا وتبعد عن مدينة الرياض 170 كيلو متر وتقع في منطقة الوشم معظم سكانة من عتيبة من فروع الشايبين والنفعة والعصمة والدغالبة
ويقدر عدد سكانها بعشرين الف نسمة
المساحة الاجمالية للمحافظة 4141 كيلو متر مربع . تقريباً
اتمنى الاخوان اضافة قرى عتيبة في محافظة مرات وشكرا لكم
عيون الحر19-Jun-2013, 09:22 PM
اخي الفاضل وهناك ايضاالعضيان والمراشده موجودين من اربعين سنه في مراات
حبيت اضيف معلومه للقاريء العزيز
عتيبة هل الغارة20-Jun-2013, 04:42 PM
تسلم ياعيون الحر على الاضافة ولو تعرف قرى ومراكز عتيبة في محافظة مرات اضفها وشكرا لك
العملا111ق01-Jan-2014, 09:05 AM
وعليكم السلام
مرات اذكر فيها الدغالبة والدعاجين بكثرة وبشكل واضح ، وفيها عصمة و ثبتان وشيابين وعددهم اقل من الدغالبة والدعاجين
واذكر مراشدة كم بيت ونسمع عنهم من فترة قديمة ويمكن معهم عضيان اما النفعة ما اذكرهم احد منهم في مرات
والله اعلم
شكرا لطرحك الرائع
الكثيري الطائي22-Jan-2014, 12:44 AM
كيف تصير محافظات عتيبة هذي ديره لها اهلها وناسها معروفين الدعوة وأنا أخوك ماهي بالعدد عندك المهد لمطير واغلب سكانها من حرب
أرجو أن تحترموا أهل المناطق اللي تسكنون فيها مثل ماهم محترمينكم عندهم
وهذي كلها اليوم ديار بن سعود
راشد النفيعي22-Jan-2014, 03:38 AM
مرات معروفه من قديم اغلب سكانها واهلها من قبيلة عتيبه
الكثيري الطائي22-Jan-2014, 01:06 PM
مرات معروفه من قديم اغلب سكانها واهلها من قبيلة عتيبه
انا معك سكانها عتيبة وحي الله اي قبيلة فيها بس ماهي ديارهم هي بالأساس لبني تميم وبني لام وسبيع ولهم املاكهم الخاصة فيها
عندك ضرية ومسكة اغلب سكانها مطير لكن مرجعهم وأميرهم الكثران من بني لام لأنها ديارهم
عتيبي الله وكيلك22-Jan-2014, 01:47 PM
كيف تصير محافظات عتيبة هذي ديره لها اهلها وناسها معروفين الدعوة وأنا أخوك ماهي بالعدد عندك المهد لمطير واغلب سكانها من حرب
أرجو أن تحترموا أهل المناطق اللي تسكنون فيها مثل ماهم محترمينكم عندهم
وهذي كلها اليوم ديار بن سعود
الكثيري الطائي يامرحبا فيك
بخصوص محافظة مرات من مائتين سنة وجاي ريف المحافظة اي صحراء واودية المحافظة لقبيلة عتيبة مورد لماشيتهم وكانت المدينة للحضر والمدينة مساحتها بالماضي لاتتجاوز كيلو متر واحد ولكن بعد المخططات السكنية اصبح ابناء قبيلة عتيبة في بوادي محافظة مرات ينتقلون للمدينة
واعطيك الان ديار قبيلة عتيبة في محافظة مرات
لبخه
حويته
السالميه
ام طلحه
روضه الفرس
الثليما
بدايع ذوي زياد
عتيبي الله وكيلك22-Jan-2014, 01:51 PM
الكثيري الطائي بعدين انت تقول طال عمرك الديرة لبن سعود وانا اقولك غلطان طال عمرك فالحكام يتغيرون والارض تبقى لاصحابها وهذي ديارنا ماهي ديرة احد غيرنا
الكثيري الطائي22-Jan-2014, 03:41 PM
الكثيري الطائي بعدين انت تقول طال عمرك الديرة لبن سعود وانا اقولك غلطان طال عمرك فالحكام يتغيرون والارض تبقى لاصحابها وهذي ديارنا ماهي ديرة احد غيرنا
انت قلتها من ميتين سنة لكن لو رجعنا لتاريخها وأول من سكن بها امريء القيس بن زيد مناة التميمي
وأنا معك انا مرات توسعة وشملت ديار ثانية لكن مرات نفسها معروفة لنبي تميم وبني لام وشيوخهم قبل اكثر من 200 سنة
واتحداك تجيب تاريخ يثبت ذلك
الكثيري الطائي22-Jan-2014, 04:40 PM
وعلى فكرة ترى عتيبة الأصلية مو المنتسبين لها عزيزة جداً على قلبي فا خوالي من الروقة من شيوخ عفيف
