قصيدة عبدالله العمري موجهه لغازي طلق

قصيدة عبدالله العمري موجهه لغازي طلق ورد غازي طلق عليه بمناسبة سوء تفاهم بين غازي وشخص اخر وساند غازي شخص حارثي والعمري يشوفهم وقال هذه الابيات موجهه لغازي طلق الثعلي

يالله انـي دخيلـك مـن فــراق الـديـار=لاحبيـب قـريـب ولادمــوع تسـلـي
يالله دخـيـلـك يامـجـيـر للـمـجـار=فرج الكرب عنـي واجعـل النـور دربـي
وكل محجـوز معنـا مـن رجـال الديـار=الكـرام الشـراف فـي المساجـد تصلـي
وانت ياغـازي تركـد علمـك الان صـار=ماهيب طبعك وربعك في المراجـل تـودي
المراجـل ياغـازي فـي الحلـم والوقـار=ماهيب في تخبيط جاهل قالها العـود قبلـي
واحنـا لآل السعـود الجـنـود الاحــرار=مـن جبـال الجنـوب لنارحاتـم تضـوي
ونجد الفخر والراس والحسا خيـرمـدرار=ومكـه النـور شــاع للـكـون يـهـدي
كلنا صف واحد ليا نوى الخسيـس وغـار=نفدي الديـن وبغالـي الـدم للـدار نسقـي
قالها صبي عمرمن لطامة العدى للشرف سار= لبوطلق ا اللـي يعـرف المعنـى ويـردي

الــــــــــــــــر د


مرحبـا مرحبـا ترحيـب عـز ووقــار=والليالـي تعـدى والمصـاعـب تـحـدي
لابن عمر الجنوبي والقـدر صـار صـار=قدرة الله ماضيه ما عـن المكتـوب صـدي
ابعـث الـك التحيـه مـن شمـال الديـار=للجنـوب العزيـزه وانـت رجـل تسـدي
والمصاعب يابـن عمـر للرجـال اختبـار=والضعيـف البعيـد لايجيـب ولايــودي
ميـر حنـا عتيبـه فـي المواقـف نغـار=جنـد للفهـد نمضـي والعـدو مايـعـدي
دمــا للـوطـن رافعـيـنـه شـعــار=وكل شعب الجزيره للوطن بالـروح يفـدي
واخويـاي بالـحـارث عـلـم وقــرار=كلـنـا مــن شبـابـه والـعـد عــدي
ليااعتزيـنـا وقمـنـا يطـيـر الغـبـار=خصمنـا يـدرق ويقـول ياوجـد وجـدي
والمراجـل ماتـجـي لعـبـة للصـغـار=درس الاجـدا دمــن جــدك وجــدي
واضحـه مـثـل نورسـاطـع بالنـهـار=ما يغطيه السحـاب ولا الظـلام السرمـدي
ياكريـم جعلـت العـلـم درب ومـسـار=جاعله لك طريـق وبالحلـم والعلـم تهـدي
صحبتك خيرة لـي وانـت رجـل خيـار=واقتـدي بالرجـال اللـي بمثلـك واقـدي
خـذ كلامـي جــاك ردي باختـصـار=والصلاة والسـلام علـى النبـي المهتـدي

صح لسانك و لسان الشعار عبد الله العمري وغازي الثعلي

قصايد جزلة و وافية

لاهنت يالغالي على هالنقلة المميزة

تحياتي