ضمن فعاليات مهرجان ملتقى قبيلة عتيبه (سباق القدرة والتحمل)

سوف يقام يوم الإثنين القادم 17/10/1428هـ سباق القدرة والتحمل للفروسية ، مسافته 60 كيلو على ثلاث مراحل 20 ، 20 ، 20 والسباق معتمد من الأتحاد السعودي للفروسية وسوف تكون جائزة المركز الأول سيارة جيب مقدمة من اللجنة العليا المنظمة للملتقى وسبعين الف ريال موزعة على المراكز الأخرى.
وإنشاء الله بيكون على رأس المشاركين أبطال السعودية للقدرة والتحمل من مختلف المناطق وهو مفتوح لغير العتبان وسيمثل قبيلة عتيبة في هذا السباق الفارس الدولي نواف فهد بن موطان العضياني وهو أول فارس من قبيلة عتيبة يمثل المنتخب السعودي للقدرة والتحمل.
نتمنى له الفوز في هذا السباق الكبير.
صور من مشاركات دولية سابقة للفارس العتيبي
[صورة غير متوفرة]

[صورة غير متوفرة]

[صورة غير متوفرة]

إهداء متواضع مني للفارس نواف بن موطان علها تليق بمقامه في قلبي.



عليك ياللـي لونهـا متضاهـي=صفراُ تقارب للشعـاع الزاهـي
خيلً اصيله من مرابـط جـدي=مافوقها غيـر الرفيـق الراهـي
يستاهـل الفنجـال لا سويـتـه=من دلةً تبري عمـاس الساهـي
أبـداء بـه الفنجـال لاصبيتـه=من قبل لا يدرج لذيـذ الشاهـي
اسوقهـا للـي برأيـه صامـل=من طيب راسه ماحسب للفاهـي
ياحي ابن موطان نعم الطـاري=الفارس اللي بالمواقـف ناهـي
شيخً عريـبً للمعالـي عالـي=في ذمتي ماله جميـع اشباهـي
شيخً كريـم ولا يحـب الزلـه=من عادتـه ماينذكـر متباهـي
الخيل خيلـه والعـزاوي ربعـه=عتبان نبع الطيب وأهل الجاهي
لو جيت أبمدحهم يخون لسانـي=مافيـه بالعليـا تـرى إلاهـي
لا ثارت الهيجاء وكلـن نـادى=من قو عزوتهم تشـن إجباهـي
قومً على كبـد المعـادي علـه=تاريخهم مثل الصبـاح الباهـي
أبفتخـر فـي لابتـي ياعـالـم=والطيب تنطق به ترى الأفواهي
مـادام فارسنـا رفـع رايتنـا=ماهمنـي مـن سبنـا ياللاهـي
قصيدة للشاعر/ رفاع بن سعود العضياني

اخوكم فهد مشعل

شي مشرف يا عتيبه مهرجان تاريخي
شكرا على نقلك

بيض الله وجهك مهرجان تاريخي فعلاً

شي مشرف يا عتيبه مهرجان تاريخي
شكرا على نقلك

شكرا على مرورك وإنشاء الله يكون مهرجان ناجح بتعاون الجميع وتكاتف أبناء القبيلة.

بالتوفيق انشالله

بيض الله وجهك مهرجان تاريخي فعلاً

شاكر مرورك يابن العم والمهرجان بيكون أسطوري بحول الله