راع الريال اللـي مجـوّد ريالـه

هذه الابيات ارسلها لي اليوم وانا فالدوااام على الجواال الشاعر الراائع / فلاح بن طلاق الدلبحي العتيبي
ويقول انها نصيحة ولاتخص احد. فرديت عليه بهذه بالابيات التاليه لابياته.
وحبيت اشارككم بها.

يقول الشاعر فلاح الدلبحي :


انكان دربك بالبطانيج يتعبك = جنب ودور لك طريقآ بداله.
والصاحب اللي بالنشايب يناشبك = خله على درب النشايب لحاله
والمؤتر اللي مركبه خطر يقلبك = خله وطلع مؤترآ من وكاله
خلك مع اللي مذهبه مثل مذهبك = معربآ مجناه عمه وخاله

قلت له يافلاح انا ماني شاعر نظم ولكن استلم الابيات الآتيه
واعذرني على القصور.


اسوق قاف الشعر بالسبك والحبك = واطرق صعيبه لاستوالي مجاله
ولانيب الد العين فاللي على الدبك = فاللين اله قاله وفالعسر قاله
ياتابع المنكوب لابد ينكبك = وكسب المراجل مايجي بالسهاله
ارفع مقامك في زمانك ومنسبك = ودوّر على اللي وافيات خصاله
محدٍ يحقق غير ربك مطالبك= الواحد المعبود رب الجلاله
في وقتك اللي فالقسى مايلد ابك = راع الريال اللي مجوّد رياله
لاصار فعلك مايدسم شواربك = وقت القسى واللين حالتك حاله

.

الله الله الله

صح لسااااانك ياسعوووود .. وصح لسان الرائع : فلاح الدلبحي

كفيتوا وأوفيتوا

:)

تحيتي
...

محمد العتيبي


صح بدنك وقلبك وكلك




يابن العم


لاهنت على المرور.

في وقتك اللي فالقسى مايلد ابـك راع الريال اللـي مجـوّد ريالـه
لاصار فعلك مايدسـم شواربـك وقت القسى واللين حالتك حالـه




ياسلام .. ياسعووود ..
سبائك ذهبية ..

صح لسانك ولسان الدلبحي ..

مبدع ..

صح لساااااانك ولسااااانه
تقبل تحياتي

الله الله

يابوطايل

صح لسانك

وعتلاشانك

في الحالتين مبدع

هنا وهناك ياسعود

تقبل اطيب تحيه

سعود ماشاء الله عليك

مبدع

صح لسان الشاعر الدلبحي
وصح لسانك شاعرنا الرآئع


محبك

.,

لاصار فعلك مايدسـم شواربـك
........................... وقت القسى واللين حالتك حالـه


ابيات رائعه

صح السانك ياسعود العصيمي


تقبل مروري

صح لسانك ولسانه ياولد عاصم

صح لسانك يابو طايل وكفو

وصح لسان فلاح




كفيتوا وفييتوا




تحيات محبك دوووم

ولانيب الد العين فاللي على الدبك
فاللين اله قالـه وفالعسـر قالـه
ياتابـع المنكـوب لابـد ينكبـك
وكسب المراجل مايجي بالسهالـه

..
الله عليك يابو طايل ... درر
لاهنت ولاهان الدلبحي ..
..
استمتعت بالصوت والصدى ...