مرثية ابن حميد في خالة تركي بن موسى المقاطي

بسم الله الرحمن الرحيم

السلام عليكم ورحمة الله وبركاته

اما بعد :

اليوم جايب لكم مرثية فيصل بن حشر بن حميد في خاله:

تركي بن موسى المقاطي الي توفى في حادث على طريق بيشه الجديد

يوم الجمعة 14/4/1430هــ

10/4/2009 ميلادي

وهذي هي القصيدة
|

|

ثلاثة ايام العزا تنتهي اليوم # وانا عزايه لين يعزونهم في

عزاي فالي كاسب الطيب وسلوم # خالي وأوده كنه لعيني الضي

والله لو قالوا توفى ومرحوم # يعيش في خفاقي الميت الحي

حر<ن>تعلا فالسماء وابعد الحوم # صيده سمين وعزته مالها خي

علوم فعله ما توصف بالعلوم # وفعول غيره مع فعوله ولا شئ

قدام يمشي ما تردا بالعزوم # وعند الملاقا والقسا يحمي الكي

يعطي وهو محتاجها مابخل يوم # جوده من الماجود ما قال ذي لي

محبوب ربعه واطي<ن>جلمد القوم # كبد<ن>يداويها وكبد جرحه ني

حافظ لسانه عن النمايم ومحشوم # قلبه بياضه طاهر<ن>مادخله غي

يفزع ولو بفزعته ماهوب ملزوم # فزعت طناخة راس ما حده السي

عساه للجنه من النار محروم # ومعوض<ن>في جنان ما زيها زي

الموت فوق الناس مقدر ومحتوم # لا منه لا مهرب ولا ينفدا بشئ

امر<ن>من المولى مدبر ومقسوم # ماباقي الا ربنا منزل المي

دنياك لو زانت ماهي دايمه دوم # ولو دامت لغيرك ما وصلت لك و لي

تسقيك حاليها وتسقيك الهموم # دنيا دنيه والدنائه كذا هي

وختامها صلوا اعداد ما تطلع نجوم # على رسول الحق وظله لنا فئ


في النهاية ارجوا الدعاء لعمي ولصاحبة حمود بن عيد العصيمي بالرحمة

نبي الردود على فكرة الشاعر من اهل عروى والمرحوم له بأذن الله من اهل المزاحمية وشكـــــراً





اخوكم

فيصل مذكر

الله يرحم عمك وصاحبه في جنان الفردوس الاعلى


وجميع مسلم




اللهم امين ياارحم الراحمين



وشكراً


على القصيده


لا هنت

الله يرحمهم ويسكنهم فسيح جناته ويصبر اهلهم

الله يرحمهما ويغفر لهما

الله يرحم الميت .. ويبقي الحي ..

وصح لسان ابن حميد ..

تحيتي
...

مشكورين
وجزاكم الله خير

تسلموووون على المرور




اخوكم

فيصل مذكر العتيبي