حب ابو خالد ماهو خافي ولامتغبّبي....

~*¤ô§ô¤*~*¤ô§ô¤*~
ياهبــوب الخيــر فــي كــل المنـاطـق هبـّي
واوصلـــي علــمٍ يسـرّ الانفــس المشتــاقـــه

بشّــري شعــبٍ يصيــح ويبتـهــل ويــلبــّي
ينتظــر عــودة حبيــبٍ مايطيــق فـــراقــــه

للبـــلاد اللــي بهـا الميثـــاق مــاينــجبــــّي
قبلتٍ للمسلميـــــن وللـــوفـــا عـشّــاقــــــه

وجنّــه لـــراع الــوفــا لــو مامدح ماسبـّي
شعبــهـا درعٍ حصيـــنٍ مبهمــات حــــلاقـــه

يفــرحــون ان كان جاهـم من ملكهم نبــّي
مثــــل ماكانــــو سلفهـــم يحتـمون السـاقــه

تحــت حكــم اللي له الشعب العظيم محبّي
ذاك ابــو متــعب سحــابٍ صــادقٍ بــرّاقــــه

درعنــا لاجـــا البــلا من خصمنا منصبّـي
وسيــفنــا اللي يصدع اهل الزيـف والبواقه

كــل يوم ارجي جليل الملك واطلـب ربــّي
يسعــده ويعيــد ابــو خــالــد عــدو الفاقــه

حـب ابـو خــالـد ماهو خافي ولامتغبــــّي
واســمٍ قلبــي مثــل وســم العــرب للنـاقــه

هـاجســي مايوم شرق بي ولاغرب بّـــي
عــن خيـال اللي له نفوس العـرب تـوّاقـــه

فيصلــيٍ مـاوطـا درب الجهــل مــن شبّي
الوطــن فــي خافقه واهل الوطن بااحـداقـه

إن عطــى كـبّ المكــارم مـن يمينـه كبّي
وان ضـرب ضربـه يــروع المعتديـن فلاقه

هــو طبيـبٍ للمريـض اللـي سعـا للطبـّي
وهـــو كفيــــلٍ لليتيـــم اللـي زمانـه عاقــه

القوافــي تنثنــي خجـلا تقـول اهرب بّي
مااقـدر اوفـي هالبـطـل قـدره ولاميثـاقــــه

لــو جمعــت اشعـار ابـو تمام والمتنبّـي
كـان ماتاصـف كـرم نفسـه وطيب اخـلاقـه~*¤ô§ô¤*~*¤ô§ô¤*~

عادل الاسعدي

صح لسانك وبيض الله وجهك

فرهودي


صح بدنك ولاهنت على المرور العطِر

صح السانك ياعادل قصيده جميله سطرة احرف من ذهب بارك الله فيك

اخوي معلا مرورك محفز للإبداع لاهنت على تشجيعك