ياسعود البرقاوي
نايف بن ملحق الثعلي22-Jan-2010, 12:23 PM
يامرحبا مليون ترحيب ياسعود=والمنتدي غالي ومن فيه غالي
تري المعاني كنها السيف محدود= بين ابن غانم وابو زيد الهلالي
حسن إبراهيم الدجيماء22-Jan-2010, 12:24 PM
الله اكبر الله اكبر يابن ملحق ... صح لسانك ... ولسان البرقاوي مقدما .. متااابع ..!!
سعود البرقاوي22-Jan-2010, 12:31 PM
ياللي ترحب بي وانا اليوم موجود = الله يبارك فيك ياراس مالي
يانايف العب واعرف النقص والزود = اليا طرالك شيء ،، انا مثلك طرالي
عيد العازمي22-Jan-2010, 12:33 PM
بين ابن غانم وابو زيد الهلالي
ياسلام
صح لسانك يابوبدر
يانايف العب واعرف النقص والزود
اليا طرالك شيء ،، انا مثلك طرالي
زعيم يابوفهد
صح لسانك
سعود البرقاوي22-Jan-2010, 12:33 PM
الدجيماء
حضورك له طعم آخر بارك الله فيك
سعود البرقاوي22-Jan-2010, 12:35 PM
هلا وغلا يابو طلال وارحب مليون
مشتاقين لك ومقدرين ظروفك
عساكم ماترون باس
علي الشهراني22-Jan-2010, 12:41 PM
طيب طيب
صحت السنتكم جميع
و انا في صف ابو زيد الهلالي
متااااابع للابدااااااااع
سعود البرقاوي22-Jan-2010, 12:46 PM
الراي السديد
الله يحييك تحايا المطر
نايف بن ملحق الثعلي22-Jan-2010, 12:51 PM
ياسعود في الايام حاسد ومحسود=علم عتيبه محتمين التوالي
عزالله اني باذل كل مجهود=واقول دايم حيلتي دون حالي
نايف بن ملحق الثعلي22-Jan-2010, 12:52 PM
جميع من مر هنا
بيض الله وجيهكم
عيد بن مرضي22-Jan-2010, 12:55 PM
صح الألسن والقلوب جميع ...
حسن إبراهيم الدجيماء22-Jan-2010, 12:57 PM
كلام كلام ... صحت الالسن والقلوب ... متاااابع ..!!
سعود البرقاوي22-Jan-2010, 12:58 PM
اللي سمع عن قصة أصحاب الاخدود = يضيق صدره لو صدره شمالي
شفتك تجر الحبل والحبل معقود = ماعاد لك مقدور ياهملالي
نايف بن ملحق الثعلي22-Jan-2010, 01:06 PM
ياصاحبي لاتخلط بالبيض بالسود=والحق واضح من قديم الليالي
اكثر سوالف ربعنا غثت اكبود =وانا تري مافيه شي غدالي
سعود البرقاوي22-Jan-2010, 01:11 PM
يانايف نبا نكمل في وقت ثاني
يالشيخ ابن ثعلي ترى الريع مقعود = خلك رجل لاصرت بين الرجالي
ان كان في خاطرك شرهة ومنقود = لاتحسب الاقصى سواة الموالي
نايف بن ملحق الثعلي22-Jan-2010, 01:19 PM
وش همني منكم وانا حامي القود=وانا عزيز النفس يابن الحلالي
انته وانا ياسعود شعله وبارود=لاكن من بعض العرب ضاق بالي
سعود البرقاوي22-Jan-2010, 04:49 PM
منت بعلى بعض السواليف محدود = نعرف حصيلك ياكريم السبالي
فالبندقية مابقى غير عبرود = والوضع مايقبل صبر واحتمالي
سعود البرقاوي22-Jan-2010, 04:50 PM
عيد بن مرضي
هلا وغلابك مليون وصح بدنك
سعود البرقاوي22-Jan-2010, 04:50 PM
الدجيماء
للمرة الثانية هلابك والله
فايز بن سرحان الثبيتي22-Jan-2010, 05:08 PM
نايف بن ملحق الثعلي22-Jan-2010, 05:18 PM
انامعي حجه وانا عندي اشهود=ياصاحبي لاتحسب المر حالي
ماعندكم للحرب ضباط وجنود=ياهل العلوم امعقدين الحبالي
نايف بن ملحق الثعلي22-Jan-2010, 05:19 PM
سعود البرقاوي22-Jan-2010, 06:14 PM
ان كانوا شهودك محمد ومحمود = حجتك ماتسوي جنيه وريالي
ترى الوعد بكرة ليا هبت النود = اجمع فزوعك تحت برق الخيالي
سعود البرقاوي22-Jan-2010, 06:20 PM
ابن سرحان الثبيتي
صح بدنك
نايف بن ملحق الثعلي22-Jan-2010, 06:31 PM
بعض العرب ماله مواثيق وعهود=لاكن حضي يابن الاجواد عالي
ابشربنا بكره ليا دخن العود=يفرحبنا المضيوم وقت القتالي
سعود البرقاوي22-Jan-2010, 06:38 PM
بعض العرب لاغاب ماهوب مفقود = هذا حسب ما اشوف فاول وتالي
لاواحليلك جاي لك برق ورعود = منته يابن ملحق بصاحب معالي
نايف بن ملحق الثعلي22-Jan-2010, 06:50 PM
لو غبت عنكم صارت اسهود ومهود=ودياركم يفرض عليها احتلالي
الحمل فوق اشعيل بالحيل مشدود=صار الجمل يضربها فج خالي
صح لسانك مافيك حيله
سعود البرقاوي22-Jan-2010, 07:11 PM
صح لسانك ولاقصرت على هالقاف
علي الشهراني22-Jan-2010, 07:14 PM
بيض الله وجيهكم
طاروق ممتع و رائع بروعة شعاره
نااايف - سعود
صحت السنتكم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
