خوال المصطفى الهادي للشاعر ممدوح العطياني

خوال المصطفى الهادي للشاعر ممدوح العطياني




يابو فهد لاتعكر جوّي الهادي =الوضع ماهو بلا طيب ولاعادي
عندي رفيقٍ عمرت الطيب من يمه = وفيه الغلا كل يوم وليل يزدادي
كم شاعرٍ سخر الأبيات في مدحه = وأزرى يوفي حقوق الملح والزادي
هذاك شيخا دلاله مع تراحيبه = تقول مزن معه بارق ورعادي
من الكرم يذبح من الضين حايلها = ومن الشجاعه يضد الخصم ويعادي
متسلسل من الشلاوى روس بالحارث = اللي لهم في المراجل بيت وشدادي
قوم لهم في القدايم صوله وجوله = يوم أنها ضرب سيف وقدحة زنادي
عدوّهم لو حشد جيشه وقواته = ماله جدى الاّ الحسايف والتوجادي
أعد وقعاتهم وأحفظ قصايدهم = والخافي أعظم من المكشوف والبادي
أميرها الفارس أبن هريس من غيره = اللي لحوض المنايا يصيح وينادي
وشاعرهم المعتبر في النظم والقلطه = هذاك راع الجزيلات أبن عيادي
له بيت ياكثر مايطري على بالي = وياكثر مااوحيه في التلفاز والرادي
مهما تطول العمار اللحد مرجعها = رعيان الادباش ولاّ أسياد الاسيادي
قلته وأنا شاعر ماتقصر حبالي = ودون المواقيف مايحداني الحادي
لاصار كلا يعد الفعل والمنسب = حنا عتيبه خوال المصطفى الهادي
ومدام وان صفوة الامه بناخينا = مافيه داعي نعدد باقي الامجادي
واللي يبا شبه موجز من فعايلنا = ينشد شيوخ القبايل مثل أبن هادي
وكل القبايل جنوب الدار وشماله = تاريخهم شامخ في روس الاشهادي
أفعالهم في الجزيره ماحد يجحدها = يوم الجزيره قتال وحرب وجهادي
واليوم حنا تحت رآيه أخو نوره = دون الوطن نرخص الارواح ونفادي
يوم اليمن أشتكى حده من الحوثي = قمنا نحده ورى دخان من غادي
هذا الوطن لو نثر دمي على شانه = كني أشمه بريح المسك والكادي
حنا جنوده من الدمام لآ جده = ومن اليمن لين تاصل حد بغدادي






للشاعر ممدوح بن سالم العطياني

الله الله


صح لسااان الشاعر / ممدوح العطياني


نتمنى له مستقبل زاهر باذن الله


لاهنت على نقل القصيده يالغالي



تحيتي

صح لسااااااااااااانه

تسلم يمينك يا بو عاتــــــــــــــــــــــــــــــق




هـذا الوطـن لـو نثـر دمـي علـى شـانـه
كـنــي أشـمــه بـريــح الـمـسـك والـكــادي


حــنــا جــنــوده مـــــن الــدمـــام لآ جـــــده
ومـن اليمـن لـيـن تـاصـل حــد بـغـدادي



وصح السان الشاعر ممدوح