اقرب يالشمالي
علي فلاح العضياني11-Dec-2005, 02:50 PM
يالشمالي تعال ابغاك في كلمتين=تطحن في ضميري ما اقدر اكنها
انت شاعر وماهر مثل عبدالمعين=والبيوت الثمينه غنها غنها
مرزوق حمدان العتيبي11-Dec-2005, 03:02 PM
يالشمالي تعال ابغاك في كلمتين=تطحن في ضميري ما اقدر اكنها
انت شاعر وماهر مثل عبدالمعين=والبيوت الثمينه غنها غنها
لله الله يالفالح ..
دايم وطواريقك مبدعه ....
ننتظر ... ابو خالد ...
الشمالي الغربي11-Dec-2005, 03:36 PM
جيت ابا اسمع كلام اهل الكلام الثمين=اسرج الخيل للمرسول واعنها
وين عبدالمعين و وين هاكا السنين=عقب ماشفت ناس(ن) مختلف ظنها
بن دريميح11-Dec-2005, 04:21 PM
طواريق رائعه جدا والشعراء مبدعين واصلو تحياتي
وانا متابع
|170||186|
محمد العتيبي11-Dec-2005, 06:11 PM
سلام ياسلام
طارووق جدا رائع من شعراء
اروع واروع،،
الفالح + الشمالي .
وااصلواا لاعدمناكم لكي نرى
ابداعاتكم الطيبه .
علي فلاح العضياني11-Dec-2005, 07:20 PM
شفت لك فالجمل ياصاحبي شاهدين=كان هي منك قبلك ما حد(ن) سنها!!!!
سرها يالشمالي وانت قلبك فطين=الدير ودنا نقرا على جنها
الشمالي الغربي11-Dec-2005, 09:51 PM
الجمل جا هديه من طويل اليمين=لا عطا الطيبه ما قيل له منها
مير ذاالحين امانه في يدين الامين=والدير مختلف ياصاحبي فنها
علي فلاح العضياني11-Dec-2005, 10:30 PM
زدتو الطين بل وزتو الدين دين=ما تشابه معانينا ولو كنها
انت واحد ولا يمكن تقسم ثنين=مار من فرها علمك عن سنها
الشمالي الغربي11-Dec-2005, 10:47 PM
ابشر ان الامور ان يسر الله تزين=انت وشبك علي الغاره اتشنها
الرزانه سلاح(ن) في يدين الرزين=انت في خاطرك هرجه ولو انها
ابـن نـعـيـس11-Dec-2005, 11:02 PM
صح السنتكم
ابداع من مبدعييييين
واصلووووووووووووووووووووووووو
علي فلاح العضياني11-Dec-2005, 11:15 PM
نفهم انك قطعت الشك جبت اليقين=ماش به حرب نفسك هنها هنها
الرزانه تفيد الرجل دنيا ودين=دلة الراس من سوق اليمن بنها
الشمالي الغربي11-Dec-2005, 11:31 PM
اعرف ان الذهانه ماتغر الذهين=الاشارات لعيونك يكفنها
طاب ليلك وانا ماارتحت لي ليلتين=الكوابيس فى عيوني يصحنها
علي فلاح العضياني11-Dec-2005, 11:40 PM
مشكور يابو خالد وما قصرت وتشرفت باللعب معك واستفدت من كاستاذ في الشعر
لنا لقا ان شاء الله
تحياتي
((الدلبحي))11-Dec-2005, 11:44 PM
صح السنتكم
متابع بشده واصلوا
تحياااااااااااااااااااااااااااتي
الشمالي الغربي12-Dec-2005, 05:06 PM
الفالح لي الشرف الكبير بمقابلتك لاهنت
تحيااااااااااااااااااااااااااااااااتي
الشمالي الغربي12-Dec-2005, 05:07 PM
الفالح الي الشرف الكبير بمقابلتك لاهنت
تحيااااااااااااااااااااااااااااااااتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
