اقروا لنا ياروق

يقول عمار بن عوادة العازمي العتيبي :-

يقول بن عاصي بدا راس مرقب = الصبح قبل الشمس يبدي ذرورها
واليا ان صياحٍ ينفض شليله = يقول الاعادي وازكتنا نشورها
وحزبنا وبدانا لهم راس قنه = بدهم الفرنج اللي نطلق عجورها
والياك يامال النوالي تمزع = كما طيورٍ مزعتها صقورها
وتناخوا عيال العود على ربيعه = ما اظفر ربيعه هدم الله خدورها
وملنا عليهم ميلةٍ صدق صامله = نطحنا ماخذنا خصرها عن نحورها
وصلبنا جناح القوم من يم شقنا = مثل الاشدة يوم تصلب وسورها
انثاري بابن بادي عليهم ونشهره ونطق بالمقداع فاحة قدورها
يضدونا بالجمع عيا يردنا = كما هضاب ماتزحزح صخورها
نرميه بالبندق ونرداه بالحصى = الجابه اللي ماتقطع عقورها
وفي شِقنا ربع طوال اليماني = الكرشمي وابن خليل نعورها
وفي شِقنا ربعة تلطم العدا = وهمه قوايدها وظرمة سبورها
ويقولون طلحة والعوالي وراهم = ربع تهوش وهوشها ما يعورها
لكن اللحم ماطاح ياكافي البلا = على طول حرجتها قليلة بثورها
ويلثون في ولد الزلامي حبيب = ومثقاب شوق اللي تنسع جمورها
وياكم صبي يمسك بعمره ويستني = يبا بنت عمه مايزين خطورها
لو انها رفلا تسير بشانها = عمي يداها ماتشبشر سيورها
ياراكب من عندنا فوق حرة = تلفي ذوي عالي وخصو نمورها
قولولهم ياربعنا ترحمونا = لاتعجب افعال النشاما هدورها
اقروا لنا ياروق والا اجحدوا = واليا جحدتوها على الله سيورها
وان كان روق مالها فيٌِ هله = ماني بكلب القوم دون جزورها

ابن كشب1397

اختيارك حلو جدا

قصيدة جزلة وبيض الله وجهك

كذا المشاركات والا بلاش

الى الامام يا ابن كشب1397

اخوك /

قــ الباس ــوي

ابن كشب صح لسانك

وبيض الله وجهك على هالقصيدة


التي تشهد لفعلـ القبيلة


لاكن لو تتحفنا برد الزلامي على عمارة



بيكون أفضل


ولك كل التقدير


أبن نميان

قصيدة جزلة وبيض الله وجهك

...
..

لاهنت يابن كشب

والله يرحم الشيخ:عمار بن عوادة العازمي

قوله خالد وفعله خالد

مودتي
.