":"اقرب شاعر":"
ولــ منجوم ـــد16-Nov-2007, 10:25 PM
خلـــوها
خلــــــوها
خلــــــــــوها
سلام والليله نبا ننتف الريش=من جنح طير ان كان ربي عطاني
غير الكلام اللي سمعتوه مافيش=يأهل الشعر ياباخصين المعاني
ولــ منجوم ـــد
$ الحــيــران $16-Nov-2007, 11:39 PM
استلم ::
يامرحبا يامقفل اللعب بالشيش 00 ترى الزمن من عادته قلباني
ياكثر ماللشر ناسٍ معاطيش 00 ماغرها يكوّد هرج اللساني
ولــ منجوم ـــد16-Nov-2007, 11:54 PM
حبيب قلبي الحيران
يامراحب
استلم لاهنت
الظاهر انك مثل فزاعت اقريش=يوم استهدوا واذعنوا للزماني
لحظه وياتيك الخبر والمطاريش=وتشوف عينك وش حواه البياني
$ الحــيــران $17-Nov-2007, 12:08 AM
هلابك واستلم ::
لا لا تجنب دوب جينا على الجيش 000 بلاك ربي مار أنا مابلاني
رسالةٍ ماعنونت قلنا ليش 000 قدام عشرك لاتعوّد ثماني
ولــ منجوم ـــد17-Nov-2007, 12:39 AM
استلم لاهنت
ياسنايدي
الليل ليلك والقوافي معاطيش=يازيد مدري عمر ياالأصفهاني
رسالتي عنوانها شاعر الطيش=اللي تعلا فوق روس المباني
ولــ منجوم ـــد
$ الحــيــران $17-Nov-2007, 12:52 AM
لاهنت يابعدي استلم ::
نصيحتي تشفق على لقمة العيش 000 يابو نوايا شكلها شكل ثاني
منجوم والمنجوم ضمن الدراويش 000 يوم الذياب تحوف حول المكاني
ولــ منجوم ـــد17-Nov-2007, 01:08 AM
صباحك ورد
الزعل ممنوع
والشغله تسليه وانا اخوك
استلم لاهنت
وانا توي عليمي خذني على قد عرفي
هههههههههههه
اخر زمن تهرج علينا الخفافيش =لاحول ياحظ(ن) عليها حداني
انا ولد منجوم ذيب المغابيش=يوم انت لا داب(ن) ولا عقرباني
ولــ منجوم ـــد
$ الحــيــران $17-Nov-2007, 01:34 AM
الزعل مرفوض البته البته والشرف لي بمجاراتك
استلم ::
راحت عظامك من فعولي عراميش 000 والحمل فوقك يالبعير الهداني
القلب راغ وداخل الراس تشويش 000 أثر ولد منجوم صابه جناني
ولــ منجوم ـــد17-Nov-2007, 01:45 AM
استلم لاهنت
ليلك ليل
انا خوفي انك عتيبي واتشره
من ربعي
خف الجمل ماهو لضرب المناقيش=اقولها قدام قاصي وداني
مدامت البارود خش النخاشيش=لاواحليلك ياهذا المودماني
ولــ منجوم ــد
$ الحــيــران $17-Nov-2007, 01:57 AM
استلم وصح لسانك ماعاد عندي شي استلم ::
بعض الكلام أهمشه منك تهميش 000 لجل قرابتنا ولجل العواني
يطيب بالك لوّ نعطيك بخشيش 000 ياكثر هرجٍ مايبا ترجماني
ولــ منجوم ـــد17-Nov-2007, 02:17 AM
الحيران
صح بدنك ياسنايدي
ماقصرت شاعر وربك الله
ودي ان المحراف طول
لاكن مدامت ماعندك شي وش نسوي عاد
اللشكوى لله
والعذر والسموحه
لو حصل مايكدر الخاطر
لاعدمتك ونا اخوك
استلم هذا البيت هديه
انا الحيران يا الحيران ماهو بنته الحيران= انا اللي حيرتني دنيتي واضحيت حيراني
ولــ منجوم ــد
$ الحــيــران $17-Nov-2007, 02:22 AM
ولد منجوم شرفتني بمجاراتك
لاهان راسك والعذر والسموحه لو زلينا
والشاهد الله استفدت منك لاهنت وصح لسانك ملايين
