افيدونا في قصيدة الشاعر: بديوي الوقداني

بسم الله الرحمن الرحيم
الى جميع اعضاء (الهيــــــــــــــــــــــــــــــــــــــلا)
من يحفظ هذه القصيده او من لديه مراجع شعبيه ان ينشرها كامله مشكورا
وهذه القصيده تحمل معاني كبيره ومنها هذه الابيات

انهلة السبحه وضاع الخرز ضاع 0000وحاولة المه ياسليمان وازريت
صار الذهب قصدير والورد نعناع000وشميت ريحه مختلف يوم شميت

وشكرا لكم على ماتقومون به لتطور هذا المنتدى

(( والى الامام))
اخوكم (سلطان الحافي)

سلطان الحافي ... يامرحبا بك !!

خذ عندك قصيدة بدوي الوقداني العتيبي ...وان كان احد متأكد من البيت الرابع يصحح لنا لاني شاك بالبيت هو امسيت او الفيت !!

إنفكت السبحه وضاع الخرز ضاع *** وبغيت ألمه ياسليمان وزريت
صار الذهب قصدير والورد نعناع *** أنكرت ريحه مختلف يوم شميت
الباب طايح والمسامير خلاع *** والحب فيه السوس والفار في البيت
ألفيت أكيل الراي بالمد والصاع *** قست الأمور وعفتها ماتوريت
لا فاقد الحيله ولا قاصر الباع *** ويالله يامولاي فيك استعزيت
الذيب رزقه في مبادية الارواع *** وانا برزقي في زماني تعنيت
وانا مربى من زماني ومطواع *** ربتني الايام حتى تربيت

الله يعطيك العافيه اخوي الوليد
وبيض الله وجهك وماقصرت وصح لسانك ولسان قايلها
وسلمت يمينك
ولك مني كل التقدير ا
اخوك سلطان الحافي

الف الف شكر لك اخوي الوليد
ولسلطان الحافي على التذكير الذي في غاية الروعه
بديوي مايقول الا درررررررررررررررر
ومعانيها بلاوي الله يستر
اخوك شيباني نت