فــواز جـِـعـّــلـــه ... دركــتـــر يــطــحنـــه بــالــبــكــت .
قادح شرار01-Nov-2008, 11:33 PM
هيا خل غامد الهيلا ينفعونك ذلحين . :)
فواز جعله ... دركتر يطحنه بالبكت = من شان في حلة عتيبه .. يجي محترم
كم مرة ٍ دست فوقه >> لين عينه بكت = وإن زاد ولا ّ نقص .. ما فاله ألا الشحم
فواز السعيدي01-Nov-2008, 11:40 PM
هههههههههههههههههه الله يرج ابليسك ياشيخ
طيب طيب
يادبرة الله تنفرز هالولد وانحمت = ما قلت له فتش العبية ومص العجم
انته تزوم المعارك مستحي وان حمت = جاك السعيدي وخمك يبن الاجواد خم
معجب العتيبي01-Nov-2008, 11:43 PM
الله الله
قادح صاير مجرم هاليومين
خاف الله يارجال
صح لسانك
معجب العتيبي01-Nov-2008, 11:43 PM
السعيدي رد ابدااااااااااااااعي
صح لسانك
والصف صفك ضد المدعو قادح شرتر
فواز السعيدي01-Nov-2008, 11:47 PM
هههههههههههههههه
كفو والله يا استاذ معجب
وقادح هذا ماعنده الا هجوووم ههههههههههه الله يستر منه
قادح شرار01-Nov-2008, 11:53 PM
جنية ٍ فرّعت للشر... ثم رقصت = والشيخ قادح يربيها ... وتصبح صنم
كم طبخة ٍ من تحتها نار >> لين استوت = يوم السعيدي بنادم ..والبنادم لحم
فارس القوم01-Nov-2008, 11:56 PM
الله الله الله الله
انا في صف قادح شرار
ولايهون السعيدي
قادح شرار01-Nov-2008, 11:58 PM
السعيدي رد ابدااااااااااااااعي
صح لسانك
والصف صفك ضد المدعو قادح شرتر
الله الله يا معجب ... واقف بصف فواز .... أنته ما شفته بمحاورة العمدة وش يقول ... :mad:
وأعرفك واقف بصفه حسب إتفاقية جنيف اللي سويتوها فالصفحة المجاورة . :)
إكن هيـّن ... يصير خير ...
قادح شرار02-Nov-2008, 12:01 AM
الله الله الله الله
انا في صف قادح شرار
ولايهون السعيدي
الصف يزهابك يا فارس القوم ...
مشكوور على مرورك يالطيب .
فواز السعيدي02-Nov-2008, 12:01 AM
اسمع كلامي وشيل العلم كله بحت = قدام ترفع قدم مابيك ترخي قدم
هاذيك طبختك ياقادح مدام اخربت = ابشر بمشهاب ينجضها لكم كلكم
فواز السعيدي02-Nov-2008, 12:03 AM
لاهنت يافارس
والماقف غصاب اكيد مع ولد عمك ههههههههههههه
لاهنت
رعد الروقي02-Nov-2008, 12:09 AM
قادح شرار // فواز السعيدي
مبدعين بحق
صحت السنكم
قادح شرار02-Nov-2008, 12:11 AM
الوضع حاسم .. ودعوانا ماهي بالنكت = لكن صل الفرايض .. ثم زور الحرم
الطبخة اللي ف(يدي) .. سويتها وإنضجت = واليوم من تحتك ..نزيد الحطب والفحم
فواز السعيدي02-Nov-2008, 12:21 AM
الارض كورة ولكن الرواسي رست = وان جبت صفحتك نكتب فوقها بالقلم
انته ولاك اختلفت وسالفتك التوت..؟ = تفتل كلامك وترجع تنقضه من عدم !!
قادح شرار02-Nov-2008, 12:34 AM
الأرض كورة .. ورجلك تبتلش >> ما مشت = يوم ٍ سطح القمر .. فوقه ركزت العلم
ودي أفهـّم حليمة .. وأنجحت وأرسبت = وأثر المصيبه ... طوال الوقت ترعى الغنم
فارس القوم02-Nov-2008, 12:36 AM
ياسلااااااااااااااااااااااااااااااااااام ياسلااااااااااااااااااااااااااااااااااام=ياقادح
وافي الخماش02-Nov-2008, 12:49 AM
قادح شرار
ودي أفهّم حليمـة .. وأنجحـت وأرسبـت
وأثر المصيبه ... طوال الوقت ترعى الغنـم
عز الله قدح ولا يهون السعيدي واصلوا متابعين ..
فواز السعيدي02-Nov-2008, 12:49 AM
طيب .. طيب
عندي لكم علم لو بعض المعاني سرت = علم(ن) يفج النحر مدري يسد النسم
لا تقعد تصيح لاشفت العمود انفلت = يمكن لياصحت ظهرك يا ولد ينصرم
قادح شرار02-Nov-2008, 01:08 AM
إلى هذا الحد نقف ... صح لسانك يالسعيدي ... وختامها عندك . تصبح على خير .
العلم لفه ودفه ... مير لا تلتفت = بتشوف شئ ٍ يخيفك ... يفجعك فالحلم
ما دام بعض المعاني حولت وأنزلت = ما ودنا يالسعيدي .. تزعل وتنظلم
قادح شرار02-Nov-2008, 01:12 AM
أشكر جميع من مر على الصفحة . ومرورهم بالصفحة يزيدنا فرح وسرور .
دمتم بود ....
عبدالله الجـــذع02-Nov-2008, 01:13 AM
محاوره رآئعه
وشعرآء عماااالقه
صحت السنتكم يامبدعين
وتصبحون على خير
فواز السعيدي02-Nov-2008, 01:19 AM
هههههههههههههههه
ابد ما نزعل منك ومن شرواك من الطيبين والدعوه ملعبة
هذيك صنعتك يالغالي لو اتموت مت = ماخاط جرحك لو انك بالعصب تحتزم
وداعة الله يا قادح بت ياشطور بت = جود لحافك لسيس البرد ماله طعم
ههههههههههه
تصبح على خير يالغالي
تشرفت باللعب معك
فواز السعيدي02-Nov-2008, 01:24 AM
تصبحون على خير
شكرا اخوي عبد الله على اطرائك
تحياتي
ابو فايح02-Nov-2008, 10:45 PM
فواز
الارض كورة ولكن الرواسي رسـت
وان جبت صفحتك نكتب فوقها بالقلم
قادح
الأرض كورة .. ورجلك تبتلش >> ما مشت
يوم ٍ سطح القمر .. فوقـه ركـزت العلـم
فواز
لا تقعد تصيح لاشفت العمود انفلـت
يمكن لياصحت ظهرك يا ولد ينصرم
قادح
العلم لفه ودفـه ... ميـر لا تلتفـت
بتشوف شئ ٍ يخيفك ... يفجعك فالحلم
كلام خطير هدوا اللعب يا شباب
صحت السنتكم طاروق ابداعي وناري
قادح شرار02-Nov-2008, 11:47 PM
مشكوووووور على مرورك يا أبو فايح .
تحياتي لك .
فواز السعيدي03-Nov-2008, 12:59 AM
لاهنت يابو فايح وجميع الاخوان
واللعب هادي ابشرك والشاعر قادح شرار اخ عزيز والمزح معه لا ضير فيه
تحياتي
فواز السعيدي03-Nov-2008, 01:00 AM
لاهنت يابو فايح
وجميع الاخوان
تحياتي
مرزوق حمدان العتيبي03-Nov-2008, 08:46 AM
..
.
جزاله وابداع وامتاع
لله دركم وعسى الله مايهينكم .
