الشاعر عايد رغيان الشراري ورائعه من روائعه

السلام عليكم ورحمته وبركاته



ارقبت في راس الطويل العمرّد
مرفوع من روس الشخانيب عالي
يغشاه من طوله من السحب صرّد
وصفق الرياح العاتيه من شمالي
فرخ المسرول في مثانيه غرّد
بالعش عن شمس الضحى بالظلالي
العين في راسه نظرها مجرّد
يطرد سراباً له سنا بالسهالي
مايرقبه كود العيال المقرّد
جرى لهم من وقتهم ماجرالي
ماجيت به قصدي من الصيد شرّد
وانا تركته راتعاً بالمفالي
بلاي من حظ ٍركبته وعرّد
لو قام ساعه نام عدة ليالي
لاشاكياً ضيماً ولاني مطرّد
مير ان في بعض العوارف ميالي
راس الجمل حطوه ضمن المفرّد
وشدّوا رباطه في متين الحبالي
ولو اقلب الحجه على من تمرّد
خلوني المخطي وشافوا خمالي
يرضيهم اللي من تراثه تجرّد
ويصير به دون المراجل جفالي
وانا ظهر قلبي على الاخذ والرّد
مع كل شغموماً يروم المعالي
من يجني الياقوت جاب الزمرّد
ونفس الفتى يرخص لها كل غالي
والله لو بِشتي وثوبي مسرّد
مبسوط في عيش المعزّه لحالي





وسلامتكم

{ر بارك الله بك , شكراً أخي الكريم}

كريمان

مشكور علي القصيده الجميله


وصح لسان قايلها وسلمت يمينك

تحياتي لكـ

ولد الهيلا خالد نوار العتيبي
افرحتموني بمروركم والعفو