ليا مني لقيت الشاعر اللي يحمي الميقاف

سلام الله عليكم ياعتيبه والقلوب نظاف = لكن المعلبه نيران يادنيا من انتي له
ليا مني لقيت الشاعر اللي يحمي الميقاف = اهيظ ويطرب الوجدان يادنيا من انتي له

استلم .. استلم :)




,,



هلا يا مرحباا واسمع من الشاعر من العراف = يقول مرجح الميزان يا دنيا من انتي له
تهرج يا ولد وايل وعينك ترقب المشراف=ترى من حولك الضلعان يا دنياا من انتي له

عسى فيك البقا وانته ونعم وماعليك خلاف = لكن خصمك من الويلان يادنيا من انتي له
تقوله والجبال النايفه بين العرب تنشاف = ياقشر الزوم يالعتبان يادنيا من انتي له

الله الله :)





,,




غريب أوصاف يا شاعر بني وايل غريب أوصاف ..!!=تجيب الهرش للحيران يا دنيا من انتي له
كفيف العين لو إن الجبل قدمه يقول : خلاف= عسى الله يهدي العميان .. ! يا دنيا من انتي له

الا ياهرشنا دايم تبرك والحمول خفاف = مهمل في فضا الخليان يادنيا من انتي له
قليل الفهم مدري يالعتيبي عادتك خواف = اشوفك رغت ياحصنان يادنيا من انتي له

:)





أثر فيهاا ثلاثه يالعوارف غير سبع عجاف ..!!=بكى الجاعان للجاعان يا دنيا من انتي له
علاك الله وأمانه لا تعدى راعي الانصاف=يبا يقنعك باللي كان يا دنيا من انتي له

رفيع المنزل صح لسانك يالمبدع

مرجح ماشاء الله عليك والشهاده مجروحه :)


متابع

محبكم

.,

تهب الريح من كل اتجاه ويكثر الارجاف = ويبقى البيت له عمدان يادنيا من انتي له
انا ابعطيك فرصه مار خل الميل والاجحاف = لو اني عارفك غلطان يادنيا من انتي له

عبدالله الجذع الله محييك وصح بدنك


شكرا لمرورك

:):)


,,




يقولون ( العضياني زبن ) شاف الشعر ف / اسعاف=وأنا أقول الحرامي بان يا دنيا من انتي له
رحمك الله يا مطلق رحمك الله يا صياف=بعدكم يرقص الشيطان يا دنيا من انتي له ..؟ّ!

صح لسانك يا رفيع المنزل ..تشرفت بمجاراتك والختام عندك الله لا يهينك ..

ارررحب يا عبدالله وشهادتك وسام ..

ليا جيت العضياني تحصل شرطي وكتاف = تراه به ابلغ بك الديوان يادنيا من انتي له
لو انك مت مانت بمثلهم مار اطلب الالطاف = ياشاعر تعرف الاوزان يادنيا من انتي له

صح بدنك يامرجح الميزان وانا المتشرف بلقائك


تجمنعا اللقاءات القادمة ان شاه الله

الله الله الله


صحت السنتكم مليااااااااااااااااااااااار


ابدعتوا ولاهنتوا

بيض الله وجيهكم على هالطاروق ..



..

خيال الصفرا صح بدنك والله لا يهينك :)

مـــن أجـــمـــل مـــا قـــرأت


مــــحــــاورة رايـــــقـــــــة






صح لسانك / رفيع المنزل / مبــــــدع


وصح لسانك / مرجح الميزان / فنـــــان




تقبلوا مـــــروري