الاسطوره سلطان الجذع....اليوم مافيه رحمه ههههه
الـقـرم الـعـطـاوي21-Jul-2009, 07:47 PM
سلام الله سلام في ريح العود والريحان=على العتبان ثم سلطان والشعار من داني
تقدم يالجذع مدام طبعك توفي الميزان=تقدم وانت فالميدان والميدان ميداني
سلطان الجـذع21-Jul-2009, 07:57 PM
...
هلا يامرحبا ترحيبةٍ ترفعك قدر وشأن = على شانك قبيلي والمعاني شانها شأني !!
يقولون الدلايل يالعطاوي جرة الفرسان = ليا منك بغيت العلم ,, دورني وتلقاني !!
صاهود21-Jul-2009, 07:58 PM
صح السانك يالقرم
والجذع لا بغيت تغلبه اطلبه يوم الاربعاء ماهو بالثلوث هههههههههه
وانا في صفك وخل الجذع يدور له صف ههههه
نوآف الغنامي21-Jul-2009, 08:05 PM
الله الله الله
صحت السنتكم
واصلوا واصلوا
متابعين ...
..
الـقـرم الـعـطـاوي21-Jul-2009, 08:06 PM
اله واكبر استلم هههههه لاحوول منك بس
انا شاني عزيزّ يوم مالك شي ياسلطان=الا ياسطورة العتبان مالك لاول وثاني
تتبع جرتك ياصاحبي والفعل فالميدان=وانا خابرك ياسلطان فالماقف كحيلاني
الـقـرم الـعـطـاوي21-Jul-2009, 08:08 PM
ذيب عروا حياك الله وانا والجذع صفنا واحد والله لافرقه بس كلها لعبه
راعي الصفرا حياك الله يالعطاوي والمحل محلك
دمتم بالف عافيه
سلطان الجـذع21-Jul-2009, 08:27 PM
...
قصير الحبل يارد والعدود ترجعّه ضميان = وانا عيني من النشمي أليا علي العضياني !!
والا ياطير مع طير السعد لاتنشر الجنحان = مثل جنسك تبا تلقى الطيور اشكال والواني !!
محمد ابن رووق21-Jul-2009, 08:35 PM
الله الله
قائد صفوف الجذع ولاهان العطاوي
الليل الليل
الـقـرم الـعـطـاوي21-Jul-2009, 08:37 PM
الله الله الله استلم
مدام انك نويت العلم هيا سم بالرحمن=توكل والعطاوي فاللوازم يقضي الشاني
انا طيرّ تعلى وانت دايم فاخر الجذعان=لكنك عقب هذي يالجذع مانته من اخواني
عطاوي21-Jul-2009, 08:44 PM
العطاوي تكفا ياولد العم
نبغاك تبيض الوجه شد حيلك ترا قدامك
شاعر متمكن بس انت كفو وانا خوك وقدها وقدود
وبيوتك كلها قويه ماشاء الله عليك
ولا يهون الشاعر المتمكن سلطان
معجب العتيبي21-Jul-2009, 08:48 PM
الجذع والعطاوي
صحة السنتك
مبدعين
سلطان الجـذع21-Jul-2009, 09:11 PM
...
نحنك من ذعاذيع الهبايب ياغصين البان = مصيبه لو نجرب فيك حد السيف شاماني !!
يجوز انك عور والا حوّل والا حدا العميان = ترانا صف واحد فالقمم من طول الازماني !!
الـقـرم الـعـطـاوي21-Jul-2009, 09:56 PM
الله واكبر والظاهر الجذع ناويها هههههه بس معليه
واعذورنا على التاخر انا طلعت لجيب مقضاه
الا يارامي الطلقه ترا رميك بلا نيشان=وسل السيف دايم يالجذع من فعل جداني
توقع يالعتيبي قدم تاكلها على الحجان=انا خابرك ياسلطان ماتفعل لو اوزاني
سلطان الجـذع21-Jul-2009, 10:01 PM
...
ههههههههههههههههههه
ياسلام :) ... طيب طيب نكتفي بهذا القدر :)
صح لسانك وبيض الله وجهك ... والى لقاء قادم بحول الله ...
ابلشوني غيرك اثنين :) وانا مشغول
الـقـرم الـعـطـاوي21-Jul-2009, 11:30 PM
هلا وغلا ياسلطان وحياك الله فاي وقت
وجهك ابيض ياذيبان
وتشرفنا وتعلمنا
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
