حبيب العازمي وعلي الحصني محاورة رائعه
ذيب العازمي05-Aug-2010, 02:07 AM
بسم الله الرحمن الرحيم
محاوره حماسيه بين الشاعرين حبيب العازمي والشاعر علي الحصني الحربي
علي الحصني
يابن دغيم لا تعدى عفيف
أقهر ركابك من عفيف ورى
شفناك فازع معك خنجر وسيف
قلنا علامك قلت ارد البرى
حبيب العازمي
أنا على كيفي وثوبي نظيف
امشي من الدمام لآم القرى
حنا ترى من عصور الشريف
من طبعنا ما ندرق فالذرى
علي الحصني
شكيت واعطيناك قطعة رغيف
وامسيت ضايق وشهو اللي جرى
ماشد عظمك غير تمر القطيف
والمفتري وش يمنعه مافترى
حبيب العازمي
لاكثر خيرك ولك ماني ضعيف
تعطي رغيف من البخل والزرى
التمر زاد مطوعين العسيف
يوم المهبل ياكلون الغرى
علي الحصني
لاولاكذا ماجيت تهرف هريف
والله يكثر حمطتك يالقرى
مسحت جنبك وأن جنبك سخيف
مايستوي فالبرد جوع وعرى
حبيب العازمي
تراي جاين حشمه لحرب ضيف
يالحصني اللي عيشتك فالثرى
امسح وتلقاءخير تصبح وليف
وان عدتها والليلك القشرى
علي الحصني
تلقاء الكرامه كيف في سد كيف
وليا عطيناك الصميل انفرى
كرامتن ماهي كرامت حنيف
اللي سرى يوماً لليله سرى
حبيب العازمي
تدري ويش احسن شي دمك خفيف
والا أنت عله للعدى تنشرى
غريب الزمن05-Aug-2010, 02:41 AM
تدري ويش احسن شي دمك خفيف
والا أنت عله للعدى تنشرى
الله اكبـــــــــــــر
عملاق يالشـــــــــبح
سلطـــــــه يالحصني
صحت ألسنة الشعــــــــــار
لاهنت يالقرمـ
لك تحياتي
الشاماني.05-Aug-2010, 06:49 AM
.....
علي
شكيت واعطيناك قطعة رغيف
وامسيت ضايق وشهو اللي جرى
,. ,
حبيب
لاكثر خيرك ولك ماني ضعيف
تعطي رغيف من البخل والزرى
.......
تراي جاين حشمه لحرب ضيف
يالحصني اللي عيشتك فالثرى
,,
تلقاء الكرامه كيف في سد كيف
وليا عطيناك الصميل انفرى
شعراء مبدعين .. استمتعت بقراءة الطاروق
لا هنت يا ذيب..
الهزبري08-Aug-2010, 10:54 AM
الله لايهينك ياذيب العازمي
محاورة حماسيه وقويه
حبيبالعازمي(الشبح او ملك المحاوره كما يقال)
علي الحصني(من اقوى شعراء الحروب بالوقت الحالي)
ابو فايح08-Aug-2010, 02:23 PM
لاهنت يا ذيب
طاروق قوي
كعادة حبيب مبدع
والحصني شاعر قوي وهجومي
هناك أبيات قويه جدا أعجبني ذكاء الشعراء في تركيبها
الحصني
سحت جنبك وأن جنبك سخيف***مايستوي فالبرد جوع وعرى
حبيب
مسح وتلقاء خير تصبح وليف**وان عدتها والليلك القشرى
ابومشعل العازمي08-Aug-2010, 02:30 PM
ابن عتيبه البار08-Aug-2010, 04:56 PM
محاوره قوووويه وشعراء مبدعين
لكن انت متأكد ان هالمحاوره ماهي بين حبيب وصياف؟
لاني سمعتها قبل كذا وقيل لي انهم حبيب وصياف
الهزبري08-Aug-2010, 09:50 PM
محاوره قوووويه وشعراء مبدعين
لكن انت متأكد ان هالمحاوره ماهي بين حبيب وصياف؟
لاني سمعتها قبل كذا وقيل لي انهم حبيب وصياف
هلا فيك أخوي
المحاورة كانت العام الماضي بين العازمي والحصني
وكانت بعد مسابقة قناة المرقاب (سلامة سلطان) بيومين تقريبا..
وكنت حاضرها
ابو هند08-Aug-2010, 10:07 PM
الله يعافيك على النقل
فعلا الحصني شاعر مبدع مبدع وقوي
وانا قريت مره لقاء للشاعر مستور العصيمي يقول ان الحصني اخطر شعراء المحاوره في الوقت الراهن
وحبيب العازمي ما يحتاج مبدع من الدرجه االاولى
فهد علي العازمي08-Aug-2010, 11:45 PM
[صورة غير متوفرة]
الحصني هذا ما عمري شفته على وجه الطبيعة
هو شاعر كبير سن والا من الشباب ؟؟
من يفيدني هل الصورة له والا ولكم الشكر
أحمد المويعزي09-Aug-2010, 12:36 AM
[صورة غير متوفرة]
الحصني هذا ما عمري شفته على وجه الطبيعة
هو شاعر كبير سن والا من الشباب ؟؟
من يفيدني هل الصورة له والا ولكم الشكر
http://www.youtube.com/watch?v=lkkupNYF23Q
ذيب العازمي09-Aug-2010, 12:41 AM
هلا فيك أخوي ابن عتيبة البار
المحاورة كانت العام الماضي بين حبيب العازمي وعلي والحصني
وكانت بعد مسابقة قناة المرقاب (سلامة سلطان) بيومين تقريبا.. مثل ماقال اخوي الهزبري
وكنت حاضرها عند قبيلة حرب في حتفال للمقدم خالد محمد الذويبي وللمقدم خالد الحميدي بن بتلا بعد رجوعهم من دوره عسكريه خارج الملكه وكانت دعوة حبيب عن طريقي لان ابناء حرب الذي قامو بالحفل زملا لي وكان راشد السحيمي حاضر الحفله وكانت الحفله في قاعة السلطان في الرياض بتحديد
حبيت اوضح لخوي ابن عتيبة البار
ذيب العازمي09-Aug-2010, 12:50 AM
شكــــــــــــراً لكلاً من اخواني
غريب الزمن
الشاماني
الهزبري
ابوفايح
ابن عتيبة البار
ابومشعل العازمي
ابوهند
فهد علي العازمي
على المرورررررررررررررر
سطوع الإبداع09-Aug-2010, 03:43 AM
هذي هي المحاوره
http://www.youtube.com/watch?v=4duPI6tQ4-g
وفيه طاروق ثاني
http://www.youtube.com/watch?v=U4fos0o1G7I&feature=related
وهذي رباعيه
http://www.youtube.com/watch?v=b1GZaQDAYlU&feature=related
ابو هند09-Aug-2010, 07:09 PM
الحفله بقاعة الدوليه
للتوضيح فقط
عبدالملك القاضي12-Aug-2010, 05:12 PM
حبيب عملاق المحاورة ليس له منافس
والحصني شاعر قوي وهجومي..انا سمعت له اكثر من محاوره مع حبيب
الله يعطيك العافية على النقل
