مطلوووووووب يا مشتاق

يا هل المنتدى بالله مشتاق وينه يا عسى ما حصله شر ولا خلافي
كان زعلان اسعو بالصلح بيني وبينه ياخذ الحق وافي مني وانا ابو وافي

حي من هو نصانا بالعلوم السمينه = كل طيب ن لقينا يالعميل السنافي
ما نبا لك حقوق ولا وصلنا غبينه= بس قللي علامك؟ صرت سكبه وحافي؟!!

طيب طيب

هلا والله يا مشتاق


استلم

لا تناظر برجله خل عينك بعينه شوف في محجر اعيونه سيوف(ن) رهافي
وانت رجل فطين ومن رجال(ن) فطينه واحمد الله ما دامك فالزمان امتعافي

ابقاك الله يا ابو وافي


واستلم


الهصور المجوع لا تجي في عرينه = كل شيٍ خضع له في بطون الفيافي
ليتك اليوم معيه كشب يا زين زينه = جبت منه (العيال) وقلت يالله يا كافي

ربيع ربيع يا حلالاه

طيب طيب
استلم
الحصان المحجل لا يغرك بزينه ابخصه زين والله عالم(ن) بالخوافي
راعي الضين لابد فالخلا عند ضينه لو طلبته هريد(ن) منه قال للك مافي

كل رجلٍ تدين يخلص اليوم دينه=بس دينك عضيم وله سنين بطوافي
وش تبا بالمجنن وجهٍ الله يا شينه= كنخر وكشره وباقي علومه عوافي

اقرب ادغيبجه من كشب والا الدفينه ما بها غير عج ومابها غير سافي
طبلون الموتر اكيد انكم ماسحينه خبر امن الطرق فيكم وجات المطافي

كم عدٍ رهيٍ والبدو واردينه = وكم بيتٍ تعثر ما تشيله قوافي
عارف انك تعرف الوقت صلبه ولينه= وش بلى علمك الليله غشاه التفافي

كل من خف عقله جعل ربي يعينه والله ما يتعبك الا اهل العقول الخفافي

ما حسبنا حساب اهل الجنوب المتينه اللي ميزانها على طول الوقت هافي

والله لتبطي بعلة حسين وحسينه=يوم رمشك على طول المسافات غافي
كل قرمٍ يميز وش يحط بجرينه =وانت تدحم جنوب اللي طوالٍ نيافي

كل حلق(ن) تفكه يالسنافي يدينه الا ياكود رجال(ن) يدينه ضعافي
وانت مثل اللي قام يحك العين ابيمينه وعتمت من يمين(ن) فيها شب وصرافي

شالك الموج الاقشر وانت وسط السفينه=والله اني مثل ذيبٍ لقى له هرافي
سقم يدي حسيته لليهود اللعينه=وانتم عيال عمي والسيوف الرهافي

مركبي راسي(ن) مثل الحصون الحصينه لو يموج البحر تلقاه فالموج طافي
اشوفك ما تميز في عجينه وطينه شاب قافك وانا للحين ما شاب قافي



رهافي سرت يا مشتاق

صح لسانك


واسعدني اللعب معك


انا شاب قافي وسرى معناي

ههههههههههههه

لنا لقاء قريب ان شاء الله


تهياتي

صح بدنك وجعلك سالم

وشكرا لاجابه الدعوه

تراني مجهز لك بيتين بس دام شاب القاف تنعاف

المعاني حول بعضها

تعلمنا منك يا مشتاق



سلااااااااام

صح لسانك يابو وافي

وصح لسانك يا مشتاق




و الله يعطيكم العافية

الشعراء مشتاق
وابو وافي سلمتم والله لايهينك على هالمحراف السريع
الجميل..
اخوكم..