كم واحدٍ له غايةٍ ما هرجها

الله مــن هـمٍ بروحــــي سهجهــــــا *** بخافي ضميري في كنين الحشا لاج

احــــر مــن نـــارٍ تواقــد وهجهــــا *** منها خطر روحـي على سلك ديبـاج

وعينٍ عسى المولى يعجّـل فرجهـا *** يفـوح ناظرهـا كمـا عيــن هـــــدّاج

استرسلت للدمــع من ما رهجـــها *** غيظٍ يكظ عبارها مثــل الأمــــــواج

كـم واحــدٍ له غايــةٍ مــا هرجهـــا *** يكنّهــا لـو هـو للأدنيــن محتـــــــاج

يخـاف من عوجا طـــوالٍ عوجهــا *** هرجة قفـا يركض بهــا كـل هـــرّاج

يقضب عليك المخطية من حججها *** حلوٍ نباه وقلبه اسود مــن الصــــاج

والله خلـــق دنيــاً وســاع فججهــا *** وعن مايريب القلب لك كم منهـــاج

والرجل وان شطّت لياليك سجهــا *** عسى تواليهـــا تبشــر بالافـــــــراج

محمد السديري (( رحمه الله واموات المسلمين ))


تقبلوا تحياااااااااااااتي

رافع الرايه

تسلم يمناك ورحم الله السديري

تحيااااااااااااااتي

رافع الرايه





لاهنت يالغالي





والله يرحم محمد السديري





تحياتي.................( الفراهيدي )..................تحياتي

الدلبحي سلمت

وعلى مرورك شكرت

وعلى الكلام لا هنت

تقبل تحياتي

الفراهيدي

الله يغليك عنده بمحبته ورضوانه

وياك والمسلمين اجمعين

مشكور وما قصرت على المرور

تحياتي

مشكوووور الله يرحم السديري ويطول عمرك

الله يطول اعمارنا على العز والطاعه

والله يرحم موتى المسلمين اجمعين

العفووووووووو