« آخـــر الـــمـــشـــاركــــات »
:: أبوي (آخر رد :ياسر محمد العتيبي) :: قصيدة (آخر رد :ابو طارق الشمري) :: قصة محري بن قطران مع خدام المرحوم الملك عبدالعزيز القصه الحقيقيه (آخر رد :الفانتوم) :: قبيلة المحاقنة (آخر رد :متعب الوحيدب) :: قبيلة المحاقنة (آخر رد :متعب الوحيدب) :: رواية معركة إشريفة التاريخية بين قبيلة بني رشيد وعنزة (آخر رد :حفيد رشيد) :: رحلة الألم (آخر رد :ياسر محمد العتيبي) :: سهيله (آخر رد :ياسر محمد العتيبي) :: المواهب من الله (آخر رد :ياسر محمد العتيبي) :: راحتي (آخر رد :ياسر محمد العتيبي)

الرئيسية « الشعر الشعبي « والصحيح اني عقيد القوم في رتبة لواء

والصحيح اني عقيد القوم في رتبة لواء

رافع الرايه10-Apr-2005, 06:45 PM

اتمنى يعجبكم اختياري

أنفجعت برحلة التفكير فـي عـرض المسيـر
والتغى قيـد التوجـد مـن حياتـي وانطـوى

والمصيبه كل مافقـد شـي ف عيونـي مثيـر
ماتوجـد ليـن كفـي دون حـقـي تلـتـوى

المهم إني كسرت السلـم فـي صفـو الغديـر
والوكاد إنـي شربـت المـر واكلـت الهـوى

هيـه ياللـي ماحسبتـي أي معنـى للأسيـر
ليـه يـوم إنـك رحلتـي ماخذيتـي هالنـوى

أنتحرتي بـي بدايـه وانتصرتـي بـي أخيـر
والعشم اكبر وانا اللي احسب ان احنـا سـوى

شلت حبك وسط صدري وانوسم باقصى الضمير
لين أشرف ذيـب قـدرك فالمعاليـق وعـوى

أهتدالي دربـك المظلـم وأنـا مانـي غريـر
واستوى لي في عيوني يـوم قلبـي إستـوى

عذري إن الصدق مبدأ.. وأنكشفت إنـي فقيـر
وعذرك إن الطعج ملجاء للهروب مـن الخـوى

عيبي إني ماجمعـت القـرش لليـوم العسيـر
وعيبي إن الضيف عندي هو رفيـع المستـوى

أذبح الحيل السماني من خـروف ومـن بعيـر
مهتوي والطبع يغلب يـوم غيـري ماهتـوى

ماشتغلت من المناصب غير في منصب خفيـر
والصحيح إني عقيد القـوم فـي رتبـة لـوى

أدري إنـي ماملكـت المـال لكـنـي أمـيـر
دام رأسي من عرفتـك فـوق كتفـي ماهـوى

وأنتي اللـي كـل همـك بالتذاكـر والمطيـر
والسفر وازعـاج قلـبٍ مـن فراقـك انكـوى

تعبدين المـال وأنتـي فـوق يابنـت الوزيـر
ومن ولدتي ماكسرك الجـوع وأحتجتـي دوى

ودي اسأل دام عندك مارد.. وجمـه .. وبيـر
ليه تجفيني وأنـا اصـلاً ماطلبـت الإرتـوى

أسمعينـي واحسبينـي نـاصـحٍ وإلا نـذيـر
وأفهمي قولٍ أقولـه قبـل شاعـث وشعـوى

منتكس عبد الدراهم لو يصيـر اللـي يصيـر
فالأحاديـث الصحيحـه والبخـاري مـن روى

الشاعر // ياسر التويجري

تحيا111111111تي لكم جميعا

مرزوق حمدان العتيبي10-Apr-2005, 09:29 PM

...
سلمت
كل اختياراتك رائعه
يارافع الرايه..
ولا ينقصك سوى التفاعل بالردود
على مشاركات اخوانك..
طلب من اخوك اللي يعزك ..
:)

رافع الرايه10-Apr-2005, 10:53 PM

اخوي مرزوق الله لا يهينك على مرورك

وغالي والطلب رخيص

لكن الظروف هي اللي تحكم الشخص 0000 للأسف ما احد يحكمها غيره سبحانه

ارجوا المعذره من اخواني اللذين لم اشاركهم الردوود في مواضيعهم

تحيا111111111تي

السويلم10-Apr-2005, 11:01 PM

شكراً يارافع الراية ولا قصرت

رافع الرايه10-Apr-2005, 11:20 PM

العفووو يا السويلم

واشكرك على مرورك الكريم

ولا هنت

تحيا11111111111تي

داهية عتيبة11-Apr-2005, 02:08 AM

لاهنت على الاختيار

تحياتي

رافع الرايه11-Apr-2005, 12:09 PM

ولا انت

اختياري ان دل ,,,,, دل على حبي لكم ولمنتداكم

والطيب ما يستاهله الا الطيب

تحيا11111111تي

مروي العطاشا19-Apr-2005, 05:27 AM

اكيد يعجبنا لا هنت

رافع الرايه19-Apr-2005, 03:41 PM

ولا انت تهون يا طيب الاصل

تحيا11111تي