الطـآرف ..
صقر نايف العتيبي03-Jul-2011, 04:38 AM
السلام عليكم ، يسرني المشاركة في هذا القسم ..من بعد الغياب الطويل .وبناء على شروطة .
الاسـم : صقر نايف الروقي
الطارف سداد
سلام ردة على اهل القسم والي حضر=اعمها ، واعرف العربان من برها
اليا تواجد عميل الشعر .. جبنا الشعر=وكّل غطوة نفصلها على قدرها !!
احمد مبارك العتيبي03-Jul-2011, 07:59 AM
يامرحبا وانت بيرق فالشعر منتظر=ترحيبتن ترحم الحران من حرها
الشعر عندي وكلن ينتبه للخبر=هات الخبر واهل الاشعار من شعرها
صقر نايف العتيبي03-Jul-2011, 08:18 AM
دام البقا ، مير بعض الناس لامن طمر=مايحسب الوقفة الي جاهلن شرها
كلن يفصل على قدة : بحسب النظر=وانته في حلة ثيابن تحتك اتجرها.!!
احمد مبارك العتيبي03-Jul-2011, 08:36 AM
ليه الخطا والخطا يرديك جوف الحفر=مدحتكم والمدح للاهل الجهل غرها
اخوك ابو عيال واكبر منك واخذ الحذر=ما انته علي اسمك (صقر) والموجه إتفرها
صقر نايف العتيبي03-Jul-2011, 08:58 AM
الحق يابو مبارك واجبن ف البشر=ولا المجامل يضر الناس ويسرها
بعض العرب لو يشيّب كن عمره عشر=يشيب راسه وعقلة مانمى فكرها
احمد مبارك العتيبي03-Jul-2011, 09:14 AM
يابوك حنا مع الشعار مثل البحر=وانا اعرف الخبل من كلمه ليا جرها
العمر فيه التجارب والحكم والعبر=والملعبه غثها مجنون لامرها
صقر نايف العتيبي03-Jul-2011, 09:41 AM
لامن شفته جناح الطير فوق البقر=ابا اعترف وقتها واقيمك : بحرها..!!
مجنون والي شتمه ايعادلة ف الفكر=واهل المجنة تبيح اغلاطها عذرها.!!
احمد مبارك العتيبي03-Jul-2011, 09:49 AM
عورتك من راسك وغط الشعر لاظهر=ولا النشاما لها عوره تحت سرها
بنشدك عن خمستن والخمسه إلها ظهر=صارو ثلاثه وشرواكم كبر ذرها
احمد مبارك العتيبي03-Jul-2011, 09:59 AM
تشرفت بمحاورتك يابيرق
و الخاتمه عندك اذا ودك
والدعوي مزوح تجي وتروح
ومع السلامه
صقر نايف العتيبي03-Jul-2011, 10:02 AM
هذي معاور رفاع الشان واهل القدر=ياراعي الشتلة الي شرقت نحرها
بعض العرب هرجته قذرة لإنة قذر=والقذر مايخرج الا من ضهر قذرها..!
صقر نايف العتيبي03-Jul-2011, 10:04 AM
ياهلا ياهلا ، اكيد مزوح يـ ابو مبارك :d
خالد الزيد المكودر03-Jul-2011, 02:27 PM
لا حول و لا قوه الا بالله!
يالربع تعوذوا من بليس
و خلوها بينكم و اتركوا الغافلين او الموتى
صقر نايف العتيبي03-Jul-2011, 11:34 PM
لا حول و لا قوه الا بالله!
يالربع تعوذوا من بليس
و خلوها بينكم و اتركوا الغافلين او الموتى
تسيــف الحـأل .. يآخالد .؟؟ !! :)
