كـله على شان ابو ردف لـيا هزه

امرحبا باتصاله وابرك الحزه = صوت ٍ رغم كثرة اشغالي يسليني
هو يدري اني احبه حيل واعزه = حبه سرى في عروقي و الشراييني
غرو ٍ شريف ٍ عن اهل القيل ومنزه = مادوجت في المشاغل والدكاكيني
نزيهة ٍ عن هل النمات والدزه = في ظل ابوها تقول من السلاطيني
واليا وقفت ويش ذاك الجسم والرزه = ونظرات عينه سهوم ٍ للمحبيني
والموت ردفٍ ليا منه مشى هزه = هزة إسرائيل للشعب الفلسطيني
واهني من ذاق من ذاك الثغر مزه = تروي ضمايه عقب ماضميت إسنيني
وضحكاتها تجرح الخفاق وتهزه = وسوالفه عن كثير الهرج تغنيني
اشيل ابوها من اللوعات واللزه = واليا بغى شي قلت ابشر ومن عيني
مجبور في العود من شانك وابي اعزه = ولوهي على العود والله مايخاويني
كله على شان ابو ردف ٍ لياهزه = تثور فالقلب خامدت البراكيني

ولــوهــي عــلــى الــعــود والله مـايـخـاويـنـي



ههههههههههه صح لسااااااااااااااانك

صح لساانك ياطيب


لكن وش شعور العود