أودعـــــكـــــم

هذه الأبيات قلت بعد ان جاء أمر الريئاسة بنقلي من الوحدة اللتي قضيت فيها عشر سنوات لوحدة اخرى




فمان ربي ياكتيبة هل الجود = اهل السلوم اللي يشرف نسبها


أهل الكرم والطيب واهل ازرق العود = اللي ليا اقفا ضيفها ماشذبها


اصل وفصل ولهم تواريخ وجدود = ابنا قبايل معترف في عربها


اخذت عشر سنين معهم بلازود = تقول خمس شهور لين تحسبها


من أجمل ايامي ولو بعضها سود = يازينها بفراحها وبتعبها


واليوم اودعهم قيادات وجنود = والعين عبرات الفراق تحظبها


واللي كتب للعبد تدبير معبود = قسمة إله لمومنن راض(ن) ابها


لمر الريئاسة لازم انطيع ونزود = النفس تنفيذ الاوامر غصبها


نخدم وطنا وين ماكان ونذود = عنها ونهد ارواحنا في طلبها


وانا قريب للمسير وموجود = في طيبة اللي ماطفش من قربها


بكتيبة(ن) معنا لهم فعل مشهود = دون الوطن يوم المنادي جذبها

فيها رجال (ن) ماعليهم بعد زود = لاولعت زادوا عليها حطبها

وختام قولي ياخويانا هل الجود = اضفوا على كل الخطاياء سلبها


وانكان جاء مني خطأ غير مقصود = ترا السموحه مقصد اللي كتبها


وصلاة ربي عد ماذعذع النود = على نبي(ن) نيته ماقلبها

ايه بغيت ابتسي



الرجال معادن والرجال الي يذكر اخوياه بالخير من اطيب الناس

اخوي محمد اشكرك على مرورك , عرفنا ان قلبك رهيف

اللهم صل وسلم على نبينا محمد

وصح الله لسانك

ابيات جميله من شاعر جميل


تقبل تحياتي

هلا وغلا اخوي طلال اسعدني مرورك صح بدنك

صح لساااااااااااااااااااااااااانك

ابو جزاء صح بدنــــــــــــك ومشكور على المرور

صح لسااااااااااااااااااااااااااانك على ما اوردت هنا