نجــــــــــــــــر المطـــــــــــوع ( محاوره ونيسه)

السلام عليكم
كان هناك رجل يدعى سعيدان على ماعتقد وكان شاعرا عاش في نفي غربي نجد اوائل القرن العشرين وكان معاصرا لشاعر نفي الشهير عبد الله بن سبيل الذي كان يشغل منصب امير البلده بينما سعيدان امام مسجدها وفد تكونت بين الرجلين صداقه (( لدوده)) وكان ثمرتها الطرائف الشعريه0

ومن ذالك ان سعيدان كان يفتخر كثيرا بنجره الذي يدق به القهوه وقد حاول اكثر من شخص ان يشتريه ومنهم دغيليب بن خنيصر فقال سعيدان ((المطوع))

نجر المطوع يوم سامه دغيليب 00 قالوا تبيعه قلت والله مابيعه
ابي الى جونا هل الفطر الشيب 00 اجواد مرفقهم عدو الشريعه
اول قراهم دلتين وترحيب 00 ترحيبة(ن) سهله بنفس رفيعه
ما انا احب الي بجنبه عذاريب 00 طبيعة(ن) ياحيها من طبيعه
لعل رجل مايعرف المواجيب 00 تجيه ليعات الليالي سريعه

فالتقط ابن سبيل هذه الابيات وعارضها متندرا على فخر صديقه المطوع فقال

الي يجي يمه هل الفطر الشيب00 شرق(ن) عن الهيشه يسار الرفيعه
ولا المطوع كل هرجه تكاذيب00 واليا بغى ماهي بـ (ترفه) تطيعه

ويحاول المطوع تكرار الفخر قائلا

لى ضاق صدري قمت اصوت لنوره 00 هاتي حطب وارميه للجار والضيف
من قبل ولد الاش يبدي شوره00 حمست من بن اليمن غاية الكيف

فرد ابن سبيل مستهزءا من رواد مجلس المطوع

مطوع(ن) ياكبر هوله وجوره 00 مشراه في دور السنه مد ونصيف
ودلالهم دب الليالي مهجوره 00 وخطارهم ماغير ابو زيد وحنيف


ارجو ان تحوز على رضاكم

اخوكم
العين الحمرا

بيض الله وجهك على هالموضوع والله مافيه احسن من كذا شاعر ومطوع
الله يرحم مطوع نفي ويرحم ابن سبيل ولاهنت يالعين حمرا
تقبل تحياتي:
((الدلبحي))

ياهلا اخوي الدبلجي ويسعدني ان ارى اسمك واقرأ ردك اللطيف


تقبل تحيات اخوك
العين الحمرا

شكر للعين الحمراء
على هذه القصة والقصيدة

اهلا اخوي حـــ(مجروح)ـــر
اشكرك على مرورك الكريم ، ومداخلتك الجميله0000:)

سلمت ولا هنت على هذه القصه والقصيده الجزله ......

مع تحيات اخووووك:- مــطــلــق الــشــيـــــــــبـانـــــــــــي .............

يــاهــلا ويــاغــلا اخـــوي مطلـــــق 0
يسعــــــدني ان يــــنـال هــذا المــــو ضـــوع

استحســــــانك 0 وشــــكرا علــــى مــداخلتـــــــك 0


اخوك
العـــــــين الحــــــــمرا:)

العين الحمرا

لاهنت على الاختيار الجميل

وهو انعكاس لما ينم عنة ذوقك الرفيع

اخوك,,ابن شامان

اهلا وسهلا الاخ ابن شامان العزيز0
اشكرك ايها الاصيل على هذا الرد الجميل 0
مداخلتك تُدخِل في قلبي السرور0
اخوك
العــــــــــين الحـــــــــمرا:)

الاخ العين الحمرا

مشاركه طيبه واختيار رائع .
شكرا لك

ياهلا نجد واشكرك على مرورك الكريم 0