قصيده للشاعر : صالح بن سند الحنتمي المزيني السالمي الحربي

السلام عليكم ...
اضع بين ايديكم هذه القصيده للشاعر :
صالح بن سند ( الهليْمه )الحنتمي المزيني الحربي والدالشاعر
المعروف جزا بن صالح الحربي من دولة الكويت ....
قصيده بها من الحكمه والنصيحه انقلها لكم واتمنى
ان ترضيكم ...


ياراكب ٍمن فوق حيـل ٍ مجـلات=مترفعـات ٍ مبرمـات ٍ عصـاوي
يشدن تخضٌـاع البنـيّ العفيفـات=على المزيّـن جدعـن المـزاوي
القلب لابـده يهوجـس بحاجـات=واليا ابعـدالله مـايـرد الشـقـاوي
تفهمو ياهـل العقـول اللبيبـات=متعرضيـن ٍ للخطـر والأهـاوي
ياما على الجاهل يفوتن الأفـوات=وياما على العاقل تصيرالبـلاوي
لاصار ماتاخذ امورك سياسات=يصير عقلك والهبـال امتسـاوي
ماينجزي راع الحساني بسيـْات=وراع الصخى حبله طويل ٍ رهاوي
ورفيقك اللي دايم الـدوم شمـات=بيعه برجوى الله وثيـق العـراوي
والقبر صندوق العمل بيت الاموات=ترصدعلى جالـه بـديو ٍ خـلاوي


تحياتي
راع العرف

ماشاءالله الوالد جزل والولد جزل


صح لسان الحربي


وتشكر ياحربي


تقديري


أخوك


فيصل النفيعي

اخي العزيز جدا ً فيصل النفيعي
حياك الله ومرحبا بك عز الله
المتصفح انور بقدومك ياهلا
ومية هلا ...
لاشكر على واجب ..
تحياتي
راع العرف