البوادري ..وهناديبـــه
سلطان الجـذع15-Nov-2007, 10:27 PM
احسب محمد منول مايلف ويدور =واثر الاجاويد ماتترك هناديبها
طيرك بحكم العقل ماهوب فوق الطيور =اللي تحصل عشاها من مخاليبها
محمد العضياني15-Nov-2007, 10:36 PM
اللي وقف في لزومه لو نشب فالنحور=معـذور والناس يجــــــــزاها باساليبها
الطير يا صاحبي حراً يقود الصقـــور=يوم ان سود الليـــــــالي عاوي ً ذيبها
بندر المرشدي15-Nov-2007, 10:36 PM
الله الله....... ياسلطان الجذع
انا الليلة في صف محمد لأنني عارفاً ناصر في صفك
وصح السانك يالبواردي
محمد الروقي15-Nov-2007, 10:41 PM
ياسلالام يالجذع
صح لساانك ويسلم رااسك
وبنتظار البواردي
محمد الروقي15-Nov-2007, 10:42 PM
اللي وقف في لزومه لو نشب فالنحور
معذور والنـاس يجزاهـا باساليبهـا
الطير يا صاحبي حراً يقود الصقـور
يوم ان سود الليالي عـاوي ً ذيبهـا
طيب طيب
صح لساانك يالبوااردي
رد وافي ياواافي
محمد العضياني15-Nov-2007, 10:46 PM
بندر المرشدي التحدي
ارحب ارحب
صح بدنك والصف يتشرف بك يالغالي
محمد الروقي
هلا ومرحبا
صح بدنك
وحضورك مكسب لا عدمناك
سلطان الجـذع15-Nov-2007, 10:51 PM
ترى الحقايق تزعل ياطويل الشبور =وانا ادري انك علومي ماانت راضي بها
حنا سوى في ورود الا العد والا الصدور =والدار ياصاحبي عشره مناصيبها
محمد العضياني15-Nov-2007, 10:59 PM
الخيمة اللي على العليا بنوها النمور=عمـــدانها غيـر ماهي مثل اطانيبها
يا اصحابنا اللي سوالفكم تمس الشعور=وان غابت الخلق شذّبتوا عراقيبها
سعود العصيمي15-Nov-2007, 11:05 PM
ترى الحقايق تزعل ياطويل الشبور =وانا ادري انك علومي ماانت راضي بها
حنا سوى في ورود الا العد والا الصدور =والدار ياصاحبي عشره مناصيبها
ترى الحقايق تزعل ياطويـل الشبـور
وانا ادري انك علومي ماانت راضي بها
حنا سوى في ورود الا العد والا الصدور
والدار ياصاحبـي عشـره مناصيبهـا
الله ياسلام يالاسطورة رائع ولكن انا ضدك وفي صف البواردي
متابع واصلوااا
سعود العصيمي15-Nov-2007, 11:06 PM
الخيمة اللي على العليا بناها النمور=عمـــدانها غيـر ماهي مثل اطانيبها
يا اصحابنا اللي سوالفكم تمس الشعور=وان غابت الخلق شذّبتوا عراقيبها
الخيمة اللي على العليا بناها النمـور
عمدانها غير ماهـي مثـل اطانيبهـا
يا اصحابنا اللي سوالفكم تمس الشعور
وان غابت الخلق شذّبتـوا عراقيبهـا
ياسلام على الرد الوافي
البواردي صح لسانك وتراني في صفك وضدي الجذع بيني وبينه حرب
ههههه
واصلوااااا متابعين
سلطان الجـذع15-Nov-2007, 11:12 PM
اقول ياليل ياليل الفرح والسرور= في جنوب بعض العرب زانت مضاريبها
لا والله الا نقول العلم وانتم حضور =وان ماقدرتوا لها طفوا مشاهيبها
سلطان الجـذع15-Nov-2007, 11:13 PM
مشرفنا الجديد بندر المرشدي
لاهنت على تواجدك المشرف يالغالي
سلطان الجـذع15-Nov-2007, 11:15 PM
محمد الروقي
حياك الله
شرفت يالغالي
سلطان الجـذع15-Nov-2007, 11:16 PM
سعود العصيمي
اولا //مرحبا بك بعد طول الغياب
ثانيا//تواجدك شرف كبير لي ولااخوي البواردي
ثالثا //حسابك بعدين هههههههه أوريك
اعلنتموها حرب فلتكون طاحنه ههههههههههه <<يمزح
محمد العضياني15-Nov-2007, 11:20 PM
الجهل يهدم جدار البيت والعلم نور=عـــان الذيابه تقانب في مراقيبها
تبا تشيل الحمول اللي تقص الظهور=ارفق بروحك ولا تسعى لتعذيبها
محمد العضياني15-Nov-2007, 11:21 PM
الرائع سعود العصيمي
صح بدنك ولاهنت على حضورك المشرف
ووجودك فالصف مكسب يالغالي
علي الثبيتي15-Nov-2007, 11:29 PM
ابداع
وصح لسان الجذع
و
صح لسان البواردي
اخوكم ومغليكم
ابوفهد
سلطان الجـذع15-Nov-2007, 11:31 PM
انته عشاء للذياب الشهب والا فطور =من يوم جاتك عوادي وش تسويبها
ترى جروح الليالي يالعتيبي طهور =مير انتبه للصلاه اللي تصليبها
محمد العضياني15-Nov-2007, 11:39 PM
اشوف سحم الذياب اللي تهاب القصور=وان كان ثار الفشـــــق عكر مشاريبها
ليتك نشدت العوارف عن دقاق الامور=يمكن شقار الجذع يعطيك ترتيبها
ناصر المرشدي15-Nov-2007, 11:53 PM
السلاااااااااااااااااااااااااااااااااااام عليكم
اثر الحرب قايمه هنيا بعد
البواردي الله يعينا عليك
على العموم صح لسااانك صح لسااانك يامبدع
بس انا في صف خوي الجنب اللي يبي يوريك الشغل
سلطان صح لسااااانك وبيض الله وجهك
توبه حتى يتوب من شان مايتعرضنا مره ثانيه
واصلواااااااااااا ياعمالقه
سلطان الجـذع15-Nov-2007, 11:59 PM
والله ماابغاك هذا الليل دمك يفور =مير انتبه للسوالف قبل تبديبها
اخذت من شور راع العرف والطيب شور=قال انها احلام (ن) اصحابك تهذريبها
سلطان الجـذع16-Nov-2007, 12:01 AM
ناصر ازهل ازهل ياخوي الجنب
بيض الله وجهك .....
وهذا جزاء اللي يخالف راينا هههههههههههههه
محمد العضياني16-Nov-2007, 12:13 AM
ياللي توصي بعدما جاك رجل المرور=جيب الحقيقة من اهل المعــرفة جيبها
لا تظلم المسلم الي ما شهد يـــوم زور=يا راعي اللحيــــــة اللي بان لي شيبها
سعود العصيمي16-Nov-2007, 12:20 AM
اشوف سحم الذياب اللي تهاب القصور=وان كان ثار الفشـــــق عكر مشاريبها
ليتك نشدت العوارف عن دقاق الامور=يمكن شقار الجذع يعطيك ترتيبها
ليتك نشدت العوارف عن دقاق الامور
يمكن شقار الجـذع يعطيـك ترتيبهـا
الله الله
مازال الابداع مستمر
صح لسانك يالبوادي
حتى ترضى
مودتي
سلطان الجـذع16-Nov-2007, 12:25 AM
ليتك تعذر وانا اقول الك روح ..معذور =المعرفه ماهي بسبحه توامي بها
اعرف حساب السنه واعرف حساب الشهور=واحسب حساب القوافي قبل اغني بها
محمد العضياني16-Nov-2007, 12:27 AM
النشمي
هلا ومرحبا
صح بدنك وشرفتنا بحضورك
الرائع ناصر المرشدي
عليكم السلاااااااااام
ارحب ارحب
انا الللي الله يخارجني منكم متحاشمين علي
والظاهر اني ابا انحاااااش < ههههه
عموما شرفتنا بحضورك
محمد العضياني16-Nov-2007, 12:35 AM
اللي يفتش بكفه في بطون الجحور= لا يامن العقرب اللي تركز ذنيبها
اشوف بندقك باقي لك شوي وتثور=مار انتبه للعيار ذراعك يصيبها
محمد العضياني16-Nov-2007, 12:36 AM
هلا ومرحبا ياسعود العصيمي
صح بدنك ولاهنت على تشريفك المتوالي يالغالي
سلطان الجـذع16-Nov-2007, 12:56 AM
يااخوك يااخوك والله ماحفرنا القبور =نقفي عن الناس مانكشف عذاريبها
انا ادري انك على سلطان سيلك حدور =واهل المطاليب ماحصلت مطاليبها
محمد العضياني16-Nov-2007, 01:14 AM
راع السفينه بعد صكت عليه البحور=يبا يناحر بها والا يقفي بها
السيل بينك وبينه يابيض الوجه سور=والحجه المثبته يا صعــــــب تكذيبها
علي فلاح العضياني16-Nov-2007, 08:27 PM
الله اكبر الله اكبر
محاوره من العيار الثقيل وربي وربكم الله شعار كبار
تحياتي لكما
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
