يانجم يلي غبت من غبت مابنت .. وش حال بين ايام مجدك وبينك

مرحبا يا شبيبه
هذه قصيدة للشاعر المرحوم : منصور الرمالي الشمري
ولاا اود ذكر السالفه لان القصيدة واضحه وتعبر عن نفسها

يانجم يلي غبت من غبت ما بنت .... وش حال بين ايام مجدك وبينك
الشمس تطلع وانشد الصبح وين انت .... وتغيب شمسي واسئل الليل وينك
اقولها وينك وانا ادل وين انت .... لا شك من زود القهر قلت وينك
ارجع متى ترجع انا انهنت واسجنت ... واللي سجني كان قبلي سجينك
ارجع ورجع كل ماضي كما كنت ... ارجع على المديون لا هنت دينك
بالسيف في شبه الجزيره تسلطنت ... واظهرت اهلها واملكنه يدينك
مثلك ولد والله فلا جابته بنت .... لا شك عين يمهلنك سنينك
ياقصر شنت وخنت وبدلو طينك سمنت ... واحذر تخون اللي بنو سور طينك
الله يخونك كان لهل الوفا خنت ... واوفيت للي بالخفا خاينينك
ياقصر لا تسكن واذا اسكنت واغصبت ... اخفس قهر واخفس معك ساكنينك

وسلامتكم

صح لسانك ولسان من قالها يالخنفري

وعز الله انها ماتبي لها توضيح

ومن يقول يابو فراس
وانت صحيح ينطبق عليك المثل اللي يقول اللبيب بالاشارة يفهمو
:)

صح لسانك على ها الاختيار الجميل
ولا تبخل علينا بما عندك

لاهنت على مرورك واطلاعك على القصيده يا سحاب نجد