كبتن عتيبه ... يالحبيب !!
فواز السعيدي11-Mar-2010, 11:22 PM
ابو فيصل صباح الخير ...
سلام طيب وقصد طيب يزيد فوق الطيب طيب = يرفع ستار المسرحيه قبل تقضي شانها !!
الحب ماهو عيب .. واصلا كبتن عتيبه حبيب = محبته لابن فلاح اللي رفع نيشانها !!
محمد النخيش11-Mar-2010, 11:25 PM
صح لسانك
يالسعيدي
وفي انتظار ابو فيصل
وصح لسانه مقدما
فواز السعيدي11-Mar-2010, 11:27 PM
ارحب يامحمد
صح بدنك يابعدي
لاهنت على حضورك
عزوز النفيعي11-Mar-2010, 11:32 PM
الله الله
ابداع متجدد
متابع
فواز السعيدي11-Mar-2010, 11:33 PM
كبتن عتيبه11-Mar-2010, 11:51 PM
ياصباح النور
يامرحبا ياشاعرًا ماعاد نعتبرك غريب=منّا وفينا ..يالسعيدي ..والحقائق عانها!!
والله لو أنّ الحُبّ مابين العرب منكر وعيب=ما كنت أحبّ هذيل.. حُب هذيل في ضلعانها!!
عزوز النفيعي11-Mar-2010, 11:54 PM
الله الله
رد ذكي
متابع للفايده
كايدالاجرب11-Mar-2010, 11:56 PM
فواز السعيدي
كبتن عتيبه
صحت السنتكم
متابعين اللابدااااع
فرهودي12-Mar-2010, 12:00 AM
الله الله
بداية طاروق عالمي
صح لسانك ياشاعر هذيل
وصح لسانك ياشاعرنا كبتن عتيبه
متابع
فواز السعيدي12-Mar-2010, 12:03 AM
هههههههه
الله الله
/
/
...
لاوالله الا ياخوي الجنب تحسبني حريب = بالله .. هاذي وزعة الجيران مع جيرانها ؟ !!
بكره علي يشطب على اسمك يالثبيتي بالصليب = تنطشّ طبختكم وتقعد يالغشيم وزانها !!
ابو فايح12-Mar-2010, 12:18 AM
والله لو أنّ الحُبّ مابين العرب منكر وعيـب***ما كنت أحبّ هذيل.. حُب هذيل في ضلعانها!!
هههههههه
وش نقول يا الكبتن غير صح لسانك
ولسان فواز اللي يذكرني بحركات السناني
فواز السعيدي12-Mar-2010, 12:21 AM
يابو فايح
انت كما الضوء السطع على الصفحات
يامرحبا بهالطله
كبتن عتيبه12-Mar-2010, 12:29 AM
الله الله
لا تصدّق أنّك ذيب لو قالوا :هلك تراك ذيب=ولو أنّهم لاذكّوا النعجه عطوك لسانها!!
لا تحسب أنّا مثلكم ..قريب مايبغى قريب=هذي رساله عابره في جبهتك عنوانها!!
فواز السعيدي12-Mar-2010, 12:41 AM
ياسلام
//
...
العازمي لو ينقلب ناقه ويرضعك الحليب = ليقوم مستور العصيمي يطّرد حيرانها !!
كم لك سنه فالسيل وانته ماتودي ماتجيب = تطلب ثبيت من الحذيّه وتحرص دكّانها !!
كبتن عتيبه12-Mar-2010, 12:55 AM
الله الله
اليا حصل هذا الأمر ..تلقى هذيل امع الشعيب=مثل البقر ماتنعرف بأشكالها وألوأنها!!
لو الحظوظ أتباع جبنا للولد حظ ونصيب=لو السعايد ماتخلّي شاه في مرحانها!!
فواز السعيدي12-Mar-2010, 01:04 AM
ههههههه
الله اكبر
//
...
حنا عرب .. وانته من اطراف الشعابه ماتغيب = وثبيت في حيد الجبل ندّك تهز آذانها !!
اللي فقد حاجه مايعطيها يابو قلبٍ لبيب = ياشاعر ثبيت اوزن القاله على ميزانها !!
ابن صبحي الشاطري12-Mar-2010, 01:13 AM
صحة السنتكم
ولو ان بداية المحاوره جميله جدا ولاكن بدت تأخذ مسار مختلف
على العموم تقبلو تحياتي
كبتن عتيبه12-Mar-2010, 01:26 AM
الله الله
خاطبتك ..بلهجتك..وأنته فيك شك وفيك ريب=وثبيت ماتقدر تذم بعيرها وحصانها!!
هل تعلم أن الشعر قافه يالهذيلي مايشيب=ألاّ لياصارت بيوته قافله بيبانها!!
كبتن عتيبه12-Mar-2010, 01:27 AM
ختامها مسك
أستاذنك
وتصبح على خير
فواز السعيدي12-Mar-2010, 01:28 AM
صح لسانك ملايين يابوفيصل
وتصبح على خير
حاكم الغنامي12-Mar-2010, 01:44 AM
الله الله الله
صحت السنتكم
ابداااااااع سريع جدا خطافي على قولتهم
تقبلو مروري
قادح شرار12-Mar-2010, 12:32 PM
علي فلاح العضياني12-Mar-2010, 01:33 PM
الله الله
صح لسااااانك يابو عايش
صح لسانك يابو فيصل
محاوره رااائعه
الله يعطيكم ألف عافيه
سمي الجد12-Mar-2010, 08:37 PM
قاف رهيب عجيب من نوعه بيض الله وجيه شعاره حقيقة عمالقه ويستاهلون الاشاده اقبلوني محبا لشعركما الممتاز والهادف وشكرا
فايز بن سرحان الثبيتي12-Mar-2010, 08:51 PM
الحب ماهو عيب .. واصلا كبتن عتيبه حبيب
محبته لابن فـلاح اللـي رفـع نيشانهـا !!
والله لو أنّ الحُبّ مابين العرب منكر وعيـب
ما كنت أحبّ هذيل.. حُب هذيل في ضلعانها!!
الله الله الله الله "
من افضل ما قرأت في الفتل والنقض على الشبكة "
السعيدي صح لسانك
الكبتن كبير والكبير الله صح لسانك ملياااااااار "
فواز السعيدي13-Mar-2010, 11:57 PM
يالربع كل من مر لع حبة خشم
الله لايهينكم
صحت ابدانكم
عبدالله الجـــذع14-Mar-2010, 12:32 AM
صحت السنتكم على المحراف الرائع
استمتعنا بقرائته ولو لم نحضره
الف شكر لكم
محبكم
مطلق الجازي14-Mar-2010, 12:14 PM
صحت السنتكم على المحراف الرائع
