شيخة قصايد الزلامي

تعتبر هذه القصيده هي شيخة قصايد الشاعر/رشيد الزلامي أرجوا أن تنال إعجابكم..


تفكرت فالدنيا وتابعت ماجرا=وانا مومن بالقدر شره وخيراته
ولي تجربه دامت سنين مطوله=تعلمت مع صولات وقتي وجولاته
وانا ما أدّعي بالعرف عن كل عارفه=إلي نظرتي والناس كلن بنظراته
أنا اللي تحداني زماني وحدني=وخلاني أعرف كيف ألاقي صعوباته
وانا في رجا وعده لعبده ليا صبر=وانا في رجا عطفه ولطفه ونفحاته
وهو رازق الداب العمى ساكن الخلا=صخر له طيور الجو لين إنها جاته
وصبرن على الشدات وصابه النبي=محمد سلام الله عليه وصلواته
وعزيزين الأنفس صبرهم راس مالهم=لو الزمن كثر عليهم بميلاته
يحاول عزيز النفس يخفي ضرورته=عن الناس لايفرح عدوه وشماته
يعينه حيا وجهه على حفظ سمعته=فقيرن غنياً مايعلم بحاجاته
وهذا دليل الرجل يثبت رجولته=لكم ظاهرن والله يعلم خفياته
يدلك على الرجال هرجه ليا هرج=وتدلك على نيات قلبه حركاته
وكثيره شروط الرجل وليا توفرت=ترا الرجل يثبت كلمت الرجل في ذاته
ليا إهتم في دينه وبرن بوالده=وقصد بالعمل غفران ربه ومرضاته
وتمثل لحق الضيف والجار والخوي=حليمن على الجاهل دموحن لزلاته
هذا بشره بالخير والله يبشره=وغيره قصير الشوف من يم جاراته
عطيتك عن أهل الخير كلمات موجزه=وبعطيك علم عن المنافق وأشاراته
فجورن ليا خاصم وخاين إليا أوتمن=كذوبن ليا سولف يبالغ بكلماته
ولا يلتزم بالعهد والوعد يخلفه=هذا اللي يقولونه وهذي علاماته
طريقين معروفين لطيب والردا=وكلن يحصد اللي زرع عند حزاته
إذا إنه عمل خير فربحت تجارته=وإذا إنه مضاهي ماله ألا مضاهاته
فقل للمضاهي بالعمل يقطع الأمل=هو المجرم اللي يطرحونه ببصماته
وعفواً عن التقصير أنا أبديت فكرتي= وعبرت عن صولات وقتي وجولاته
وتمت وصلى الله على سيد البشر=محمد سلام الله عليه وصلواته

صح لسان ابوجميل

شاعر فحل بكل المقاييس

صح لسان الناقل لنا هذه الرائعه

يعطيك العافيه على القصيده
لاهنت يالذيب
تقبل مروري

عبدالله الأسعدي

مخلف الهقوات

شكراً لكم

صح لسان أبو جميل

رمز من رموز الشعر

لقصائده طعم مميز

شكراً يالغالي

تحياتي

فيصل المسعودي

شكراً لك

مشكور يا ابو ناايف





و الله يطوول في عمر ابو جميل

صح لسان ابوجميل

هو المدرسه الادبيه الذي نتعلم منه ونفخر به

لاهنت يابونايف ماقصرت

صح لسان ابو جميل والله يطول بعمره

كل قصايد الزلامي شيخات


يعطيك العافية اخوي

تقبل مروري

أشكر الجميع