21-Feb-2005, 11:17 PM
هذه اولى قصائدي في هذا المنتدى الرائع
واتمنى ان تنال اعجابكم
اهدي هذه القصيده اعزازاً ومحبه للعقيد ركن / غازي عساف بن محيا
قايد كتيبتنا وشيخ الحناتيش = حراً على كسب النواميس معتاش
يوم القبايل تفتخر فالمغابيش = جدان غازي ذكرهم ينعش انعاش
آل المحيا مبعدين المطاريش = روسٍ تروس الروس مافيهم اللاش
راس القبيله سلم والا مهاويش = اهل القنا والخيل ذباحة الحاش
ياما وطوا في مرتعٍ ما بعد نيش = والناس تقفاهم على قب الاحراش
حتى ايش لو اكتب من المدح حتيش = حتيش لو اكتب من الطاش للطاش
لا جبت حرفٍ جات عشره مناويش = والحرف شاش وطيب الراس ما شاش
لأن الثقه تاجٍ على راسه يعيش = ولا يهمه قول عايش وعياش
سولفت بك يا قايدي من ورى بيش = وارعد سماها واحتوى جوها رشاش
وذكرت فعلك بين منسوبي الجيش = وكلٍ وقف هيبه وجا جسمه ارعاش
لانك ملاذٍ للقلوب المعاطيش = واللي حداه الوقت تصبح له كلاش
حاتم يمين ومابكفك من العيش = تنفقه ما تحسب ولانته بقراش
ذياب مع عنتر مع الزير وقريش = فعلك يخلي افعالهم كلها ماش
العود مورث لك ثلاثة مفاريش = الطيب والشيمه وحق العرب كاش
ما قلتها وارجي وراها بخاشيش = ولانيب من يمدح على شان يعتاش
هذا وانا من لابتٍ تكفخ الريش = ستر العذارى مروية كل عطاش
قبيلةٍ ما خالطوها الدراويش = آلاد ذايب مبردة حرة الجاش
نــايـف الــهــمــه
واتمنى ان تنال اعجابكم
اهدي هذه القصيده اعزازاً ومحبه للعقيد ركن / غازي عساف بن محيا
قايد كتيبتنا وشيخ الحناتيش = حراً على كسب النواميس معتاش
يوم القبايل تفتخر فالمغابيش = جدان غازي ذكرهم ينعش انعاش
آل المحيا مبعدين المطاريش = روسٍ تروس الروس مافيهم اللاش
راس القبيله سلم والا مهاويش = اهل القنا والخيل ذباحة الحاش
ياما وطوا في مرتعٍ ما بعد نيش = والناس تقفاهم على قب الاحراش
حتى ايش لو اكتب من المدح حتيش = حتيش لو اكتب من الطاش للطاش
لا جبت حرفٍ جات عشره مناويش = والحرف شاش وطيب الراس ما شاش
لأن الثقه تاجٍ على راسه يعيش = ولا يهمه قول عايش وعياش
سولفت بك يا قايدي من ورى بيش = وارعد سماها واحتوى جوها رشاش
وذكرت فعلك بين منسوبي الجيش = وكلٍ وقف هيبه وجا جسمه ارعاش
لانك ملاذٍ للقلوب المعاطيش = واللي حداه الوقت تصبح له كلاش
حاتم يمين ومابكفك من العيش = تنفقه ما تحسب ولانته بقراش
ذياب مع عنتر مع الزير وقريش = فعلك يخلي افعالهم كلها ماش
العود مورث لك ثلاثة مفاريش = الطيب والشيمه وحق العرب كاش
ما قلتها وارجي وراها بخاشيش = ولانيب من يمدح على شان يعتاش
هذا وانا من لابتٍ تكفخ الريش = ستر العذارى مروية كل عطاش
قبيلةٍ ما خالطوها الدراويش = آلاد ذايب مبردة حرة الجاش
نــايـف الــهــمــه
