النظرة اللي شانها فالزمن شان

السلام عليكم ورحمة الله وبركاته
هذه قصيدة من الارشيف واتمنى تعجبكم بعنوان نظرة امل
النظرة اللي شانها فالزمن شان=نظرة صعود وترتقي للمعالي


اخترتها موضوع راقي وعنوان=واسميتها في دفتري كنز غالي

نظرة امل لان الامل نور وايمان=ونظرة امل كان الزمن به ميالي


طويت انا صفحات ياكان ماكان=ورسمت دربي واتطلع قبالي


مسحت ذكرى الهم كله والاحزان=مالي وماله جعل دربي عدالي


اقفيت عن ذكرى محبين خلان=وبديت اعد اللي طرى في خيالي


اثر الحقايق نورها تو مابان=جتني حكايا والامل من حكالي


قال الحقيقه واضحة سر واعلان=حارب لاجل لون القصيد المثالي


وانا طريقي لو كثر فيه عدوان=أمشي طريقي رافع الراس عالي


أثبت نفسي يوم للقول برهان=بيني وبين الشعر دايم وصالي


ماقطع وصاله يومها اشكال والوان=لانه صحيبي فالزمن والليالي


أكتبه من فكري ولافيه نقصان=واميزه مابين مراً وحالي


واقول ياراسي مادام الوعد حان=عطني من الفكر المسمى جزالي


الفكر هادف والوعد كل ميدان=كتبت واقع ماكتبت احتمالي


من نظرة الواقع ونظرات الاعيان=ونظرة أمل مادام جالي مجالي

النظرة اللي شانها فالزمن شـان
نظرة صعود وترتقـي للمعالـي

الله الله كفو يالعضياني

انا اشهد ان العضيان روس العرب من غير قصور في الناس


محب العضيان على العز والنقا .

صح لسانك
كلام جميل جدا
تقبل مروري

صح الساااااااانك يامساااعد

وكفووو

النظرة اللي شانها فالزمن شـان
نظرة صعود وترتقـي للمعالـي


مبدع صح الله لسانكــ يابن عاضي ...

صح لسانك

ولاهنت ,,,

صحت ابدااانكم جميعاً ولاهنتو على المرور