21-Nov-2012, 10:21 PM
السلام عليكم ورحمة الله وبركاته
هذه القصيده مهداه للشيخ صنيتان الضيط
ياراكب اللي محتكر في الوكالات = و قليل في السوق السعودي مثيله
رنجٍ ينسيك التعب والمسافات = توه من المصنع حديثٍ مديله
ممشاه بس التجربه والبروفات = من مصنعه حتى عطوه لوكيله
اخر مديل العام فيه امتيازات = اتميزه عن كل جيبٍ بجيله
لونه شعاع الشمس صبحٍ لياجات = ثم اشرقت فوق المزون المخيله
وصوت اشتغاله بين غنجٍ همسات = مزيونة قام تكد الجديله
ياسايقه بالحال ود التحيات = مضمونها التقدير لأهل الجميله
ملفاك ابو فواز واخص بالذات = الضيط شيخٍ من شيوخ القبيله
في مجلس فيه الكرم والضيافات = ملفا الرجال وكل شيخٍ يجيله
ريف السنين المقبلات الثقيلات = ونسل الشيوخ أهل الفعول الأصيله
أهل الكرم وأهل السيوف الصقيلات = إشيوخ روق مزبنين الدخيله
ذباحة الحايل كعام المغيرات = و لطامة العايل مضيع دليله
ركنٍ حجا مثل الجبال الطويلات = وقمة جبل دونه تنشئ المخيله
ونجمٍ تعلا فوق حد السماوات = كلمة نعم بين المشايخ حصيله
شيخٍ ليا راحت علوم وليا جات = له ماقف ياحي من ينتخيله
ورثة شويخٍ ورخوا بالبطولات = إبسيفهم عمهوج فكوا قبيله
تشهد لهم في نجد كل السجلات = فعلٍ يورث كل جيل ٍ لجيله
الله يمهله سنينٍ طويلات = بأمر العظيم اللي نشئ المخيله
هذه القصيده مهداه للشيخ صنيتان الضيط
ياراكب اللي محتكر في الوكالات = و قليل في السوق السعودي مثيله
رنجٍ ينسيك التعب والمسافات = توه من المصنع حديثٍ مديله
ممشاه بس التجربه والبروفات = من مصنعه حتى عطوه لوكيله
اخر مديل العام فيه امتيازات = اتميزه عن كل جيبٍ بجيله
لونه شعاع الشمس صبحٍ لياجات = ثم اشرقت فوق المزون المخيله
وصوت اشتغاله بين غنجٍ همسات = مزيونة قام تكد الجديله
ياسايقه بالحال ود التحيات = مضمونها التقدير لأهل الجميله
ملفاك ابو فواز واخص بالذات = الضيط شيخٍ من شيوخ القبيله
في مجلس فيه الكرم والضيافات = ملفا الرجال وكل شيخٍ يجيله
ريف السنين المقبلات الثقيلات = ونسل الشيوخ أهل الفعول الأصيله
أهل الكرم وأهل السيوف الصقيلات = إشيوخ روق مزبنين الدخيله
ذباحة الحايل كعام المغيرات = و لطامة العايل مضيع دليله
ركنٍ حجا مثل الجبال الطويلات = وقمة جبل دونه تنشئ المخيله
ونجمٍ تعلا فوق حد السماوات = كلمة نعم بين المشايخ حصيله
شيخٍ ليا راحت علوم وليا جات = له ماقف ياحي من ينتخيله
ورثة شويخٍ ورخوا بالبطولات = إبسيفهم عمهوج فكوا قبيله
تشهد لهم في نجد كل السجلات = فعلٍ يورث كل جيل ٍ لجيله
الله يمهله سنينٍ طويلات = بأمر العظيم اللي نشئ المخيله
