البداية جابها ما بين مزح وبين جدي

البداية جابها مابين مزح وبين جدي=وانفعلت بدون قصد وطشت واخذني حماسي



قام وده يستفز وقمت له ماهو بودي=ولا تراجع لين شاف العلم مافيه التباسي



كان يبغى يكبر الموضوع مدري يستبدي=مادرى انا ماهقوا فينا بعيدين المراسي



شافها صملة وهون ولا هو ماهو بقدي=والعرب تعرف مقاسه مايقارن مع مقاسي



لايتحدى طالما ماهو على قد التحدي=عزتيله عزتيله كان حطيته براسي



مجدنا من فعلنا من كثر زوده مايعدي=علموه ان ماعرفها ذكروه ان كان ناسي



يوم كانت للفعول وللخيول وللتعدي=الرمك تشهد لنا والسيف الاحدب والطياسي



ان نوينا مارجعنا وان مشينا مانهدي=وان ثبتنا والله انا كننا جبال رواسي



اظهر اظهر لين اشوفك بالنظر وتشوف ردي=لاتخفى في قناع اللي لها سود نعاسي



انت مغرور بجمالك وسع عين وبيض خدي=واسمك اكثر من دليل .ولابس زين اللباسي



آه من وقت بلانيبك ووقفك انت ضدي=واجتمع في دنيتي خصم هزيل ووقت قاسي



الزمن هذا لونه عاش فيه العود جدي=مايعيش مية سنه بيموت في وقت قياسي



شاخ فيه اللي حياته كلها يجيب ويودي=واختلف سعر الذهب حتى غدا مثل النحاسي



وضاع فيه اللي لياعدو هل الطالات عدي=نادر فيه اجتمع جود وصلاة وقو باسي



سامحوني كان طال الهرج لو ماهو بودي=اندفعت بدون قصد وقمت واخذني حماسي

الشاعر / معيض العتيبي

مشكوور يأخوي ولاهنت

صح لسانك ياخالد ولسان الشاعر المبدع معيض0

تحياتـــــــي،،،،،

ذيب ونعم

لاهنت على مرورك

خالص ودي

خالد العصيمي

شاخ فيه اللي حياته كلهـا يجيـب ويـودي
واختلف سعر الذهب حتى غدا مثل النحاسي



وضاع فيه اللي لياعدو هل الطالات عـدي
نادر فيه اجتمع جود وصـلاة وقـو باسـي

.. صح لسان قايلها وسلمت يمين ناقلها.
. موودتي..

متعب العصيمي

مرورك يضيف رونق خاص للمشاركه .. مما يضفي عليها الابتسامه

للقاري الكريم


تقبل خالص ودي وأحترامي