اقرب شاعر معنى يقرب

قدح نار الفتيل وربي الوهاب سبحانــــه = يدبرنا على ما راد جل الواحد العالــــــــــي

ليا غصنا البحر جبنا منه دره ومرجانه = هذا سوق الغلا نشري غلا وانقدم الغالــي

يدبرنا على ما اراد جل الواحد العالــــــــــي
يدبرنا على ما اراد جل الواحد العالــــــــــي

...
الله الله صح لسانك واخوك في صفك
... وننتظر الشاعر المقابل ...

هالله الله

في انتظار الشاعر المقابل

الليل الليل الليل

صح بدنك يا مدير المنتدى/ مرزوق ويا اخ طويق الفاضل ومشكورين على المرور

.
..

حيا الله زبون :)

استلم استلم طال عمرك



هلا يا مرحبا ترحيب ابن مفلح بضيفانه = وراع المر بالمره وراع الحلو بالحالي
ليا غصت البحر لا تامنه ويجيك طوفانه = تمنـّا والتمني ما يغيّر روس الأموالي

حياك واستلم:
يدوم الك البقا والبحر ما تنظر حيتانــــــــــه @ وراع العرف ما يخفى عنه يا طيب الفالي

قولولي وشهو اللي يرفع المبنى بلا اركانه @ عسى ربي يديمك معتلي يالمنزل العـــالي

.
..

استلم استلم

:)


زبون اليا وزنا وزنته زوده ونقصانه = نعرف اللي لنا واللي علينا فكل الأحوالي
يشيل البيت عمدانه وعمدانه بسيسانه = عسى ما انته من اللي هادم الأول من التالي

زبون الطيب والمعروف والجزلات نيشانه # تجوبح يا مجوبح يا قعود تصادم جمالـي

رقانا الشامخ العالي لو انك حاير اوزانــه # ولا يرقى الطويله كود قرمٍ ذرب الأفعالي

هذا الميدان والميدان بجماله وقعدانه = قعود اليا دحم جنب الجمال تطيح طوّالي
على العالي قدم والا عقب ما ثار بركانه ؟!! = ترا ما كل من يرقا صبر جلده على الصالي



:)

ياسلام ياسلام
مبدعين

الله الله

زبون المخاسير صح لسانك والله يعطيك العافيه

ابن جوباح صح لسانك يامبدع

واصلو وانا متابع لكم

زبون المخاسير
صح لسانك ولاهنت
----------
ارجو التأكد من وزن هذا الشطر
--
رقانا الشامخ العالي لو انك حاير اوزانــه
-
-
-

حمد بن جوباح
صح لسانك
ولاهنت
------------
واصلوا متابعين
0000000000000000000

الله الله

صح لسانك يازبون .. ولسانك ياحمد

كفو كفو يابن مفلح .. ماسكن صفك وعاصب الراس ولايهون زبون .. واصلوا ..


تحيااااااتي

ابن جوباح كفه يا جماعه تعمي أعيانــــــه @ قعودن فاول الهية برك مجروب ما طالــــي

ترى المنزال عالي من قديم الوقت وازمانه @ عسى لك فالعوالي منزلن يا قلب يا خالـــي

.
..


اخي

زبون المخاسير

صح لسانك

الطاروق حلاه في وقته

وفرصه سعيده اني قدرت اجاريك :)

وشاكر لكل من تابع واضاف تعليقه

وبيض الله وجيهكم

.
.
.















تحياتي لكمـ ،،

شاكر لك ولا تهون ولا يهونون الاعضاء وكلن استفاد من الثاني والسلام ختام الكلام