قال العتيبي قول ما ينعاد؟؟مرحبا يا عتيبه

السلام عليكم


أسعد الله اوقاتكم بكل خير اخواني الاعضاء أنا عضو جديد عندكم ولو اني داري عنكم من زمان كان انا الحين عضو قديم لكن اشكر الصدف اللي دلتني على منتدى عتيبه

وأبدأ مشواري معكم بهذه القصيده آملا ان تنال اعجابكم



قال العتيبي قول ما ينعاد=واسمع مقاله يا فهيم القول

حنّا عتيبه واسمنا رعّاد=لقلوب اعادينا يجيب الهول

بيض القلوب وسيفنا بغماد=سود القلوب وسيفنا مسلول

حنّا عناد لخصمنا واجهاد=حنّا سيول(ن) تغرق ابها سيول

لاقيل شر ابعد عَنِه وانحاد=هاذاك قول بفعلنا مقيول

وان شيف برق(ن) بالسما يزداد=هذا اسمنا اللي بالذهب مصقول

نملك قمم كل الجبال اسياد=من يومها مسكن لنا ونزول

ماهمّنا سكّان قاع الواد=سكّان قاع الوادي المجهول

محدن درى عنهم وعنهم صاد=في قاعهم لو يقرعون طبول

وانشد هوازن فخرنا واجداد=منهم عتيبه يا هوازن قول

قال الهوازن هم لنا أحفاد=ماغيرهم جبنا رجال فحول

يشهد لنا التاريخ بالأمجاد=أمجادنا زادت عليه حمول

حنّا لصفحاته لبالمرصاد=في كل صفحاته فعلنا فعول

حتّى تعدّل إسمه المعتاد=واصبح عتيبه إسمه المعدول

ربعي عتيبه كاسرت لضداد=فك النشايب .. نشبة المثعول

طب النخاوي لانتخى يالاد=برقه وروق وجات له بفلول

هنّت عيون المنتخي برقاد=واصبح عزيز وكان هو مذلول

جاد القصيد .. وعاد لو هو جاد؟= ما ينصف عتيبه بعرض وطول

قول العتيبي قايد(ن) ماانقاد =قول العتيبي ما يطال يطول

كلمة عتيبه تنطق بأمجاد=لو قلتها كان اختصرت القول




وسلامتكم


اخوكم

البرّاق (راعي المارج)

كفو والله كفو

صح لسانك يالبراق

صح لسانك يا راع المارج

والله يحييك بين ربعك .

ولا تبخل علينا بجديدك.

يراع المارج
صح السانك وتسلم على القصيده الجزله ويعطيك العافيه

صح ابدانك يابن جدعان

مهما قلنا مانوفي عتيبه حقها ومقدارها

ومرورك شرف لي ويسعدني كثيرا

وشكرا

اخوك

راعي المارج

يالدلبحي
صح ابدانك وتسلم على المرور والله يعافيك

اخوك

راعي المارج

صح لسانك يالبراق راع المارج ...... وحياك الله واعتبر نفسك في وضاخ

ونعم والله يا راعي المارج واشهد بالله ان القصيدة في محلها عتيبة

حياك الله بين بني عمك عتيبه

ابن عمك

ابن سقيان

كفووووو برببعي عتيبه بيض الله وجهك

صـــــــــــــــــــــــح لســــــــــــــــــــانك