قصيده الشيخ خشمان بن مرزوق العضياني

وهذه ايضا قصيده من قصائد الشاعر خشمان بن مرزوق العضياني


عديت في رجم(ن) طويل لحالي
ورا العلا في عاليات الدناقير
رجم(ن) رقيته يوم مال الظلالي
فيه الجوازي راتعات ومخادير
ذكرت في راس الحجا ماطرالي
شي(ن) بهمه فجر القلب تفجير
واليوم قاعد في طويل الظلالي
ماغار قاعد وانتظر ويش بيصير
يالله ياراع الكرم والجلالي
ياربنا تكتب لنا خاتمة خير
يالله يامنشي صدوق الخيالي
يامحيي الواد السنا با لشخاتير
يارب ترحمني وتلطف بحالي
يالخالق الرازق ولي المقادير
ربي دخيلك من حمى كل صالي
واني دخيلك من لهايب زمهرير
تغفر ذنوبي يوم حشر الهوالي
نهار حشر الجن والانس و الطير
دنين كفى الله شرها باحتيالي
مر(ن) على وجهه ومر(ن)على غير
ومر(ن) تذبك مثل ذب المدالي
ومر(ن) تزين لك على كل تقدير
ولالاي اوسع خاطري بابتهالي
لحرق كما بن (ن) على لاهب الكير
وهذا كلامي ياكرام السبالي
اللي لكم عندي معزه وتقدير
تمت وصلى الله عداد الرمالي
على نبي (ن) نور الحق تنوير

صح لسانه والله رأئــعه والله يوفقــه ونشوفـه أحـد أكبــر الشعراء أنشاء الله ..

ماهــي غريــبه على أهـــل عمهــوج الصناديـــد...