سلام الله

يشرفني الانضمام لكم في هذا الموقع العملاق وهذه بداية أتمنى أن أستفيد من خلالها من ملوك الشعر عتيبة :



يوم جينا لازم نرد السلام وسنة = يا سلام الله على العتبان والطرقية
الحيام ليا لقن عد الروى يردنه = والعطش يذبح كبود في زمنها حية

وحنا لنا الشرف ويامرحباابك بين ربعك واخوانك :)



مرحبا يامرحبا والذيب يضحـك سـنه
اقلطو والكيـس قبـل السيـف والشبريـه
البدايـه طيبـه ياجعلكم فالجـنه
ساحـة الميدان مافـيها براد الفيـه

البقا يالشاعر اللي بان قدمي فنه = يوم جيته عندي اخبار تليق لزيه
من يشوف المرزم يقدر حساب الكنة = واللبيب يقال يفهمها من المارية

دلبوح حياك الله وبدايه قويه

صح لسانك

الثبيتي صح لسانك

متابعين لكم

السموووحه طال عمرك على التأخير



أسلم أسلم يالصحيـب الي تزايد ونـه
والله اعلم وش بحوذ الخلطه السريه :)
الجمل يارد على العد النقي لكـنه
عاقلينه والوعد ياصاحبي بالهيـه

مسموح طال عمرك واستلم :


يالثبيتي جوّد الآية بحكم الغنة = قبل لا اسميك يا ولد النشامى عية
يوم ابوك الشيخ راح اليوم مالك منه = طاح من يدك العلم وانته تشيل وخيّه

الجمـل شال الحمـل ولا الجمـل بالدنـه
يامجفـل ذيـب عـاوي مطيـب المحميـه
يوم أبوك ابن الحلال أعطاك شي(ن) مـنه
ماقضبـت العود يادلبوح وين حميـه

الجمل وكله وكلن خايف من سنه = والبدو خافوا وذاه وجابوا الدورية
الثبيتي يوم جاه الضيف قدم بنه = بس بنه نقّصه ما زاد فيه شوية

دلبوح والثبيتي

صحة السنتكم على هالروعه


الثبيتي حسن خطك ههههههههه خله اكبر ولا عليك امر

انتم منتازين
ولعبكم زين وكايف
متابعين

المعتصم بالله حياك ربي ولك الشكر على زيارتك الكريمة
معجب العتيبي أشكرك أيها المشرف الرائع
خليفة مطلق وانت منتاز اكثر منا لك الشكر