قادح شرار ابيك بكلمة راس

انت ياقادح قبل مده قرينا لك مقاله = مير لاتهضم حقوق الناس من شرق ٍ وشامي

انت رجال ٍ نعدك من رجاجيل الشكاله = وكلمتك مانقصت من قدر عالين المقامي

الله اكبر

صح لسانك ياعقااب

وبانتظار المتهم والمدعو قادح

الرسالة واضحة ... وأنا أعتقد شفت الرساله = لا تكثــّر فالعلوم ... ولا تزوّدي فالكلامي

وأنت غالي عندنا ... بس الطمع فقــّل مجاله = أحفظ تراثك ... قبل يا رجل فالدنيا تلامي

انت ياراع الرساله دوب درّجت المحاله = ماألوم ربوعك العتبان ماعطوك الوسامي

منت يارجال للفنون العرب معطى وكاله = شرهتي للي وضعك بمنتدى الهيلا محامي

صح بدنك ياعبدالله ولاهنت


,,

ابن وايل كيف ألومه ... يمشي ومايل عقاله = مير ليته ينتظر ... والنور جلاي الظلامي

فننا يا صاحبي ... روح عنه مالك وماله = يوم راس شعيل ... ما أنتم خاطمينه بالخطامي

ميلة عقالي طناخه ماهي بميلة جهاله = ياعميل ٍ مايفرق بالحلال إمن الحرامي

لاتكسّر فالبيوت وتدّعي طرق الجزاله = وآنا رجال ٍ ماجامل لاتخطيت النظامي

والله إنا ما نبا نخطي ... على رجال الجماله = مير روّح قبل بقعاء .. تضربك وسط العظامي

بيتنا معمور ... وأنته بيتكم حالته حاله = يا بدو ياللي ...تدقون النجر وسط الخيامي

= لا تكثــّر فالعلوم ... ولا تزوّدي فالكلامي




حرف الياء سقط سهوا ً في كلمة( لا تزوّد ) . وأنا أشوف عقاب يقول بيوتي مكسره :) .

نرجوا من المشرف التعديل .

الخطا في حق ضيفك ماهو نوماس ورجاله = يامعازيب ٍ ماتوفي ضيوفها بعض احترامي

مانبا منك شهاده في عريبين السلاله = ياحضر ياللي ... تذمون الرجاجيل الكرامي

راجع أبياتك من ناحية الوزن يا عقاب ... وتصبح على خير . وختامها من عندك .




اسمحولي يا رجال العرف ... ورجال الكماله = بيت قاله من قبل مدة .... رشيد ابن الزلامي

وقتنا مجنون حتى الهندي اللي فالبقاله = يدّعي بالدين ... واهوه لا صلاه ولا صيامي

صح لسانك ياقادح وبيوتي موزونه واذا عندي خلل بااحدى البيوت قل البيت لكن راجع شطرك اللي تقول فيه

فننا يا صاحبي ... روح عنـه مالـك ومالـه


,,

فننا يا صاحبي ... روّح عنـه مالـك ومالـه << الواو مشدده على ما اعتقد



يامعازيب ٍ ماتوفي ضيوفها بعض احترامي << والشطر هذا في بيتك ماهو موزون مع شديد الاحترام اما انك كتبته مستعجل وفيه اخطاء املائيه او انك تنطقه نطق مختلف


وانا اعتقد ان البيت هو ... يا معازيبٍ ماتوفي ضيفها بعض احترامي << يعني مجرد خطأ املائي :)

و أسمحولنا على التطفل :)